ରାଉରକେଲା: ସୁନ୍ଦରଗଡ ଜିଲ୍ଲା ନୂଆଗାଁ ବ୍ଲକର ହାତୀବାରିରେ ଅଘଟଣ । ଟିସକୋର ଏକ ପରିତ୍ୟକ୍ତ ଚୂନ ପଥର ଖଣିରେ ଅତଡା ଖସି ସଦାନନ୍ଦ ସୁରିନଙ୍କ ମୃତ୍ୟୁ ହୋଇଥିବାବେଳେ, ଅରବିନ୍ଦ ଲୁଗୁନ ନାମକ ଜଣେ ଯୁବକ ଗୁରୁତର ହୋଇଛନ୍ତି ।
ପଥର ଖଣିରେ ଅତଡା ଖସି, 1 ମୃତ, 1 ଗୁରୁତର
ସୂଚନାମୁତାବକ, ଉଭୟଙ୍କୁ ଗୁରୁତର ଅବସ୍ଥାରେ ହାତୀବାରି ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ନଥିବାରୁ ପ୍ରାୟ ଏକ ଘଣ୍ଟା ପର୍ଯ୍ୟନ୍ତ ସେଠାରେ ରହିବା ପରେ ସଦାନନ୍ଦ ମୃତ୍ୟୁବରଣ କରିଥିଲେ ବୋଲି ଅଭିଯୋଗ ହୋଇଛି । ଏହି ଘଟଣାକୁ ନେଇ ମେଡିକାଲ ପରିସରରେ ଉତ୍ତେଜନା ଦେଖାଦେଇଛି । ସ୍ଥାନୀୟ ଲୋକମାନେ ହସ୍ପିଟାଲ ଗେଟରେ ତାଲାପକାଇ ଧାରଣା ଦେଇଛନ୍ତି ।
ଏହି ଚୂନ ପଥର ଖଣିଟି ବହୁଦିନ ହେଲା ପରିତ୍ୟକ୍ତ ଅବସ୍ଥାରେ ଥିବାରୁ ସେଠାରୁ ସ୍ଥାନୀୟ ଲୋକମାନେ ଚୂନ ପଥର ଗୁଣ୍ଡ ଉଠାଉଥିଲେ । ସେହି ସମୟରେ ଏହି ଦୁର୍ଘଟଣା ଘଟିଥିବା ଜଣାପଡିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
