ରାଉରକେଲା: ଲକଡାଉନରେ ସହରରେ ସାମ୍ନାକୁ ଆସିଛି ଗୋରୁ ଚାଲାଣ ଘଟଣା । ଏଥିରେ ପୋଲିସ 2 ଜଣଙ୍କୁ ଗିରଫ କରିବା ସହିତ 10ଟି ଗାଈ ଉଦ୍ଧାର କରିଛି । ଏଥିସହ ଏକ ବୋଲେରୋ ଗାଡି ମଧ୍ୟ ଜବତ କରିଛି ପୋଲିସ । ସେପଟେ ଜବତ ଗାଈଙ୍କୁ ଗୋଶାଳା ପଠାଇ ଦିଆଯାଇଛି।
ସୋମବାର ସନ୍ଧ୍ୟାରେ ଖଟକୁଲବହଲରୁ ଲାଠିକଟାର ନୂଆଗାଁକୁ ଗୋରୁ ଚାଲାଣ ହେଉଥିବା ବେଳେ ଗ୍ରାମବାସୀ ଗାଡିକୁ ଧରିଥିଲେ ଏବଂ ଲାଠିକଟା ଥାନାକୁ ଏହି ସମ୍ପର୍କରେ ସୂଚନା ଦେଇଥିଲେ । ପରେ ବଳଦୀ, ଯାତ୍ରାତୋଳାର ଅର୍ଜୁନ ଏକ୍କା ନାମକ ବ୍ୟକ୍ତିଙ୍କ ଏତଲା ଉପରେ ଥାନାରେ ଏକ ମାମଲା ରୁଜୁ ହୋଇଥିଲା। ଏହି ଆଧରରେ ପୋଲିସ ଗିରଫ କରିଥିବା ଯୁବକମାନେ ହେଲେ ଅର୍ଜୁନ ବେରୁଆ ଓ ମହମ୍ମଦ ହୁସେନ। ଏହି ଗୋରୁ ଗୁଡିକୁ ସେ ନେବା ସମୟ ରେ ଧରା ପଡିଥିଲା।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
