ରାଉରକେଲା: ନିର୍ବାଚନ ପୂର୍ବରୁ ରାଜ୍ୟର ବିଭିନ୍ନ ସ୍ଥାନରୁ ବିପୁଳ ପରିମାଣର ଟଙ୍କା ଜବତ କରାଯାଇଛି । ରାଉରକେଲା ସହରର 2ଟି ପୃଥକ ପୃଥକ ସ୍ଥାନରୁ ପୋଲିସ ଟଙ୍କା ଜବତ କରିଛି । ପାଖାପାଖି 9 ଲକ୍ଷ 20 ହଜାର 970 ଟଙ୍କା ଜବତ କରାଯାଇଛି ।
ସୂଚନାଯୋଗ୍ୟ, ସହରର ଇସ୍ପାତମାର୍କେଟ ନିକଟରେ ଏକ ଗାଡିକୁ ଯାଞ୍ଚ କରିବା ସମୟରେ 6 ଲକ୍ଷ ଟଙ୍କା ମିଳିଛି । ସେହିପରି କୁଆଁରମୁଣ୍ଡା ରାସ୍ତାର ଲାଶେ ନିକଟଏକ ଗାଡିରୁ 3 ଲକ୍ଷ 20 ହଜାର 970 ଟଙ୍କା ଜବତ କରାଯାଇଛି । ତେବେ ଏହି ଟଙ୍କା ଜବତ ହୋଇଥିବା ଲୋକଙ୍କ ଠାରୁ ସଠିକ ଜବାବ ନପାଇବାରୁ ପୋଲିସ ଏହାକୁ ସିଜ କରିଥିଲା । ପ୍ରମାଣ ଦେବା ପରେ ଟଙ୍କା ଫେରସ୍ତ ହେବ ବୋଲି ପ୍ରଶାସନ ପକ୍ଷରୁ କୁହାଯାଇଛି । ନିର୍ବାଚନ ସମୟ ଥିବାରୁ ଟଙ୍କା ଗୁଡିକ ନିର୍ବାଚନରେ ଖର୍ଚ୍ଚ ହେବା ସନ୍ଦେହରେ ଜବତ କରାଯାଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
