ରାଉରକେଲା: ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ କଳୁଙ୍ଗା ଅଞ୍ଚଳରୁ ରବିବାର 70 କେଜି ଗୋ -ମାଂସ ଜବତ ସହ 3 ଜଣଙ୍କୁ ଗିରଫ କରିଛି ପୋଲିସ । ରାଉରକେଲାରୁ ବେଦବ୍ୟାସ ଦେଇ କଳୁଙ୍ଗା ଯାଉଥିବାବେଳେ ବଜରଙ୍ଗର କର୍ମକର୍ତ୍ତା ସନ୍ଦେହ କରି ଅଟୋକୁ ଅଟକାଇ ଥିଲେ । ପରେ ସେହି ଅଟୋରୁ ଗୋ-ମାଂସ ମିଳିଥିଲା । ଚାଳକଙ୍କୁ ଅଟକ ରଖି ପୋଲିସକୁ ଖବର ଦେଇଥିଲେ ବଜରଙ୍ଗ ଦଳର କର୍ମକର୍ତ୍ତା ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଖବର ପାଇ ପୋଲିସ ଅଟୋ ଚାଳକ ଗୋପବନ୍ଧୁପଲ୍ଲୀ ଗ୍ରାମର ମହମ୍ମଦ ଅଜରକୁ ଗିରଫ କରି ପଚରାଉଚୁରା କରିଥିଲା । ଅଟୋ ଚାଳକ ଅନ୍ୟ ଦୁଇଜଣକୁ ଗୋ-ମାଂସ ଯୋଗାଉଥିବା ମାନିଛି ।
ପୋଲିସ ଏହି ଘଟଣାକୁ ନେଇ ଏକ ମାମଲା ରୁଜୁ କରିବା ସହିତ 3 ଜଣଙ୍କୁ ଗିରଫ କରିଛି । ଏହାସହ ଅଟୋ ସହ ମାଂସ ଜବତ କରିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
