ରାଉରକେଲା: ଲକଡାଉନରେ ବ୍ୟାଙ୍କ ସହିତ ଅର୍ଥନୈତିକ ପ୍ରତିଷ୍ଠାନ ଗୁଡିକୁ ଖୋଲାରହିବାକୁ ସରକାର ନିର୍ଦ୍ଦେଶ ଦେଇଛନ୍ତି। ଏପରିକି ବ୍ୟାଙ୍କ ଗୁଡିକ ମାଧ୍ୟମରେ ବିଭିନ୍ନ ସହାୟତା ପ୍ରଦାନକରୁଛନ୍ତି। ହେଲେ ଏପରି ସ୍ଥିତିରେ ଓଡିଶା-ଝାଡଖଣ୍ଡ ସୀମାନ୍ତ ଜରେଇକେଲାରେ ଥିବା ବ୍ୟାଙ୍କ ଅଫ ଇଣ୍ଡିଆ ଶାଖା 12ରୁ 15ଦିନ ହେଲା ବନ୍ଦ ରହିଛି । ଏନେଇ ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି ।
15 ଦିନ ହେଲା ବ୍ୟାଙ୍କ ବନ୍ଦ, ସରକାରୀ ସହାୟତାରୁ ବଞ୍ଚିତ ସ୍ଥାନୀୟ ଲୋକେ
ବ୍ୟାଙ୍କ କେଉଁ କାରଣରୁ ବନ୍ଦ ରହିଛି ତାହା ମଧ୍ୟ ବ୍ୟାଙ୍କ ଦ୍ବାରା ସୂଚନା ଦିଆଯାଇନାହିଁ । ସ୍ଥାନୀୟ ବାସିନ୍ଦାମାନେ ଅସୁବିଧାର ସମ୍ମୁଖୀନ ହେଉଥିବା ବେଳେ ବ୍ଲକ ଅଧ୍ୟକ୍ଷ ଏନେଇ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି । ଲୋକମାନେ ସରକାରୀ ଯୋଜନାରୁ ବଞ୍ଚିତ ହେଉଥିବାରୁ ବ୍ୟାଙ୍କ ଖୋଲିବା ପାଇଁ ଜିଲ୍ଲାପାଳକୁ ଅନୁରୋଧ କରିଛନ୍ତି । ଅପରପକ୍ଷେ ବିଶ୍ରା ଅଞ୍ଚଳ କଣ୍ଟେନମେଣ୍ଟ ଜୋନ ହୋଇଥିବାରୁ ଲୋକମାନେ ବ୍ୟାଙ୍କ ସେବାରୁ ବଞ୍ଚିତ ହେଉଥିବା କୁହାଯାଉଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
