ରାଉରକେଲା: ଯୌନ ପିପାସୁ ହାବୁଡରେ ନାବାଳିକା । ଅନ୍ଧାରର ସୁଯୋଗ ନେଇ ଜଣେ 13 ବର୍ଷିୟ ନାବାଳିକାକୁ ପଡୋଶୀ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏଭଳି ଲଜ୍ଜାଜନକ ଘଟଣା ରାଉରକେଲା ଗୋପବନ୍ଧୁପାଲି ଅଞ୍ଚଳରେ ଘଟିଛି । ସେପଟେ ଅଭିଯୁକ୍ତ ହାବିଲ ହାଂଶକୁ ଗିରଫ କରିଛି ପୋଲିସ ।
ସୂଚନା ଅନୁସାରେ ବୁଧବାର ରାତି ନାବଳିକାର ବାପା ଓ ମାଆ ବାହାରକୁ ଯାଇଥିଲେ । ଏହି ସମୟରେ ଉକ୍ତ ନାବାଳିକା ଏବଂ ତାର 10 ବର୍ଷିୟ ଭାଇ ପଡୋଶୀ ଘରେ ଶୋଇଥିଲେ । ପଡୋଶୀ ଘର ମାଲିକଙ୍କ ଜଣେ ସମ୍ପର୍କୀୟ ଅନ୍ଧାରର ସୁଯୋଗ ନେଇ ଉକ୍ତ ନାବାଳିକାକୁ ଅନ୍ୟ ରୁମକୁ ଟେକି ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ଘଟଣା ସମ୍ପର୍କରେ ପୀଡିତାଙ୍କ ମାଆ ଜାଣିବା ପରେ ପ୍ଲାଣ୍ଟସାଇଟ ଥାନାରେ ଏତଲା ଦେଇଛନ୍ତି । ଅଭିଯୋଗ କ୍ରମେ ପୋଲିସ ପୋକସୋ ଆକ୍ଟରେ ଅନ୍ତର୍ଗତ ଏକ ମାମଲା ଦାୟର କରି ଅଭିଯୁକ୍ତକୁ ଗିରଫ କରିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
