ରାଉରକେଲା: ହାୱଡା-ଟିଟିଲାଗଡ ଇସ୍ପାତ ଏକ୍ସପ୍ରେସରେ ଯୁବକଙ୍କ ଆତ୍ମହତ୍ୟା ଉଦ୍ୟମ । ଯୁବକ ଜଣକ ଟ୍ରେନ ଉପରେ ଚଢି ଆତ୍ମହତ୍ୟା ଉଦ୍ୟମ କରୁଥିବା ବେଳେ ତାଙ୍କୁ ଉଦ୍ଧାର କରାଯାଇଛି । ସେ ଝାରଖଣ୍ଡର ଗୁମଲା ଜିଲ୍ଲା ଗଙ୍ଗା ପାହାଡ଼ ଅଞ୍ଚଳର ଅଙ୍କିତ କେର୍କେଟା ବୋଲି ଜଣାପଡିଛି।
ଭିଡିଓ ସୌଜନ୍ଯ: ସମ୍ବାଦଦାତା, ରାଉରକେଲା
ଅଙ୍କିତ ରାଉରକେଲା ରେଳ ଷ୍ଟେସନର ପ୍ଲାଟଫର୍ମ ନମ୍ବର 1 ରେ ଛିଡା ହୋଇଥିବା ଇସ୍ପାତ ଏକ୍ସପ୍ରେସ ଉପରେ ଚଢି ଆତ୍ମହତ୍ୟା ଉଦ୍ୟମ କରୁଥିଲେ । ଏହି ସମୟରେ ଡି ମିତ୍ର ନାମକ ଜଣେ ଗାର୍ଡ ତାଙ୍କୁ ଦେଖି ଉଦ୍ଧାର କରିଥିଲେ । ତେବେ କେଉଁ କାରଣରୁ ସେ ଆତ୍ମହତ୍ୟା ଉଦ୍ୟମ କରୁଥିଲେ ତାହା ଏବେ ସୁଦ୍ଧା ସ୍ପଷ୍ଟ ହୋଇନାହିଁ । ସେପଟେ ଅଙ୍କିତ ମାନସିକ ବିକୃତ ହୋଇପାରନ୍ତି ବୋଲି ଆଶଙ୍କା କରାଯାଉଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
