ରାଉରକେଲା: ରାଜ୍ୟରେ ଟେଷ୍ଟିଂ କ୍ଷମତାକୁ ତ୍ବରାନ୍ବିତ କରାଯିବା ପରେ ସଂକ୍ରମଣ ମାମଲାରେ ବୃଦ୍ଧି ପାଉଛି । ଗତ କିଛି ଦିନ ଧରି ସୁନ୍ଦରଗଡରେ ମାତ୍ରାଧିକ ସଂକ୍ରମିତ ମାମଲା ରିପୋର୍ଟ ହେଉଛି । ଗୁରୁବାର ସନ୍ଧ୍ୟାରେ ଜିଲ୍ଲାରେ 86 ନୂତନ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଗୁରୁବାର ସଂକ୍ରମିତଙ୍କ ମଧ୍ୟରୁ 17 ଜଣ ସ୍ବତନ୍ତ୍ର ଜେଲର ଅନ୍ତେବାସୀ ରହିଛନ୍ତି । ଜେଲରେ କୋରୋନା ଆକ୍ରାନ୍ତ ଚିହ୍ନଟ ପରେ ସାନିଟାଇଜ କରାଯାଇଛି ।
ସମସ୍ତ ଆକ୍ରାନ୍ତଙ୍କୁ ରାଉରକେଲା କୋଭିଡ ହସପିଟାଲକୁ ସ୍ଥାନାନ୍ତର କରାଯାଇଛି । ଜେଲର ବିଭିନ୍ନ ୱାର୍ଡର ବିଶୋଧନ ମଧ୍ୟ କରାଯାଉଛି । ତେବେ ଜେଲରେ ଏତେ ସଂଖ୍ୟକ କୋରୋନା ଆକ୍ରାନ୍ତ ଚିହ୍ନଟ ହେବା ଜେଲ ପ୍ରଶାସନ ଲାଗି ଚିନ୍ତାର ବିଷୟ ହୋଇଛି । ଏ ବାବଦରେ ସୁନ୍ଦରଗଡ ଜିଲ୍ଲାପାଳ ଟ୍ୱିଟର ମାଧ୍ୟମରେ ସୂଚନା ଦେଇଛନ୍ତି ।
ରାଉରକେଲାରୁ ରାଜେନ୍ଦ୍ର ପ୍ରସାଦ ମିଶ୍ର, ଇଟିଭି ଭାରତ
