ପୁରୀ: ବେଳାଭୂମିରେ ପଡିରହିଛି ଗଳିତ ମୃତଦେହ । ଏଭଳି ଘଟଣା ଦେଖିବାକୁ ମିଳିଛି ପୁରୀ ସମୁଦ୍ରକୂଳ ବେଳାଭୂମି ଅଞ୍ଚଳରେ । ସୂଚନାନୁସାରେ ଶ୍ରୀଜଗନ୍ନାଥ ସଂସ୍କୃତ ବିଶ୍ବବିଦ୍ୟାଳୟ ଠାରୁ ମାତ୍ର 400 ମିଟର ଦୂରରେ ଏହି ଗଳିତ ମୃତଦେହ ପଡିରହିଥିବା ଦେଖିବାକୁ ମିଳିଥିବା ବେଳେ ବର୍ତ୍ତମାନ ସୁଦ୍ଧା ମୃତ ଯୁବକଙ୍କ କୋଣସି ପରିଚୟ ମିଳିପାରିନାହିଁ ।
ତେବେ ସମୁଦ୍ରକୂଳ ଅଞ୍ଚଳରେ ପୁରୀ ପୋଲିସ ପକ୍ଷରୁ ୨୪ ଘଣ୍ଟିଆ ପାଟ୍ରୋଲିଂ ଜାରି ହୋଇଥିବା ବେଳେ ମୃତଦେହଟି ଦୀର୍ଘ ସମୟ ଧରି ପଡିରହିଥିଲେ ସୁଦ୍ଧା ପୋଲିସ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ ନ କରିବା ତାହାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ସେପଟେ ଖବର ଲେଖାଯିବା ସୁଦ୍ଧା ଗଳିତ ମୃତଦେହର କୌଣସି ସୂଚନା ମିଳିପାରି ନଥିବା ବେଳେ ପୁରୀ ପୋଲିସ ପକ୍ଷରୁ ଘଟଣା ପୁଙ୍ଖାନୁପୁଙ୍ଖ ତଦନ୍ତର ଆବଶ୍ୟକ ରହିଛି ବୋଲି ସ୍ଥାନୀୟ ବାସିନ୍ଦା ଦାବି କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
