ପୁରୀ : ପୁରୀରେ ଜଣେ ମହିଳା ପର୍ଯ୍ୟଟକଙ୍କୁ ରାସ୍ତାରେ ଗୋଡ଼ାଇ ଗୋଡ଼ାଇ ମାଡ଼ ଘଟଣାରେ ପୋଲିସ କାର୍ଯ୍ୟାନୁଷ୍ଠାନ ନେଇଛି । ପର୍ଯ୍ୟଟକଙ୍କୁ ଖରାପ ବ୍ୟବହାର ଓ ଆକ୍ରମଣ ଅଭିଯୋଗରେ ଜୟ କୃଷ୍ନ ମିଶ୍ର ନାମକ ବ୍ୟକ୍ତିଙ୍କୁ ସମୁଦ୍ରକୂଳ ଥାନା ପୋଲିସ ଗିରଫ କରିଛି । ଅଭିଯୋଗ ଅନୁଯାୟୀ ସୋମବାର ସନ୍ଧ୍ୟାରେ ଆକ୍ରମଣକାରୀ ମହିଳାଙ୍କ ପେଟକୁ ଆଖିବୁଜା ମୁଥ ,ଗୋଇଠା ମାରିଥିଲେ । ଏହାକୁ ବିରୋଧ କରିବାରୁ ତାଙ୍କ ସହ ଆସିଥିବା ଅନ୍ୟ ଜଣେ ପର୍ଯ୍ୟଟକଙ୍କୁ ଆକ୍ରମଣ କରାଯାଇଥିଲା ।
ସୂଚନା ଅନୁଯାୟୀ ଶ୍ରୀମନ୍ଦିର ଖୋଲିବା ପରେ ମହାପ୍ରଭୁଙ୍କ ଦର୍ଶନ ସମେତ ବିଭିନ୍ନ ପର୍ଯ୍ୟଟନ ସ୍ଥଳୀ ବୁଲିବାକୁ ପଶ୍ଚିମବଙ୍ଗ ଆସାନସୋଲର ରାଖରିଆ ମୁନ୍ସୀ ଓ ତାଙ୍କ ପତ୍ନୀ ମନୀଷା ପୁରୀ ବୁଲିବାକୁ ଆସିଥିଲେ। ସେମାନେ ଟୁରିଷ୍ଟ ବସରେ ଚିଲିକା ବୁଲିଯିବା ପରେ ପୁରୀ ଫେରିଥିଲେ। ତେବେ ସେମାନେ ପୁରୀ ଅର୍ବାନ ହାଟ ନିକଟରୁ ଯାଇଥିବା ବେଳେ ଫେରିବା ବେଳେ ଟୁରିଷ୍ଟ ବସ ଡ୍ରାଇଭର ସେଠାରେ ନ ଛାଡି ଅନ୍ୟ ଏକ ନିଛାଟିଆ ଅନ୍ଧାର ଜାଗାରେ ଓହ୍ଲାଇ ଯିବା ପାଇଁ କହିଥିଲା। କିନ୍ତୁ ଏହା ପ୍ରତିବାଦ କରିବାରୁ ରାଖରିଆ ମୁନ୍ସୀ ଓ ତାଙ୍କ ପତ୍ନୀଙ୍କୁ ସେହି ଡ୍ରାଇଭର ଗୋଡ଼ାଇ ଗୋଡ଼ାଇ ନିସ୍ତୁକ ପିଟିଥିଲା। ଏକ ଟୁରିଷ୍ଟ ବସ ଡ୍ରାଇଭର ଏହି ଆକ୍ରମଣ କରିଥିବା ଅଭିଯୋଗ ହୋଇଥିଲା। ତେବେ ପୁରୀ ଭଳି ଏକ ପର୍ଯ୍ୟଟନ ସହରରେ ପର୍ଯ୍ୟଟକଙ୍କୁ ଏଭଳି ଆକ୍ରମଣ ଘଟଣାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
