ପୁରୀ: ଆଜି ହେଉଛି ବଲିଉଡର ସୁପରଷ୍ଟାର ଅକ୍ଷୟ କୁମାରଙ୍କ ଜନ୍ମଦିନ । 53 ବର୍ଷରେ ପଦାର୍ପଣ କରିଛନ୍ତି ଲୋକପ୍ରିୟ କଳାକାର ଖିଲାଡି କୁମାର । ଆଜିର ଏହି ଦିନରେ ଖିଲାଡି କୁମାରଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟୁଥିବା ବେଳେ ବାଲୁକା କଳା ମାଧ୍ୟମରେ ନିଆରା ଶୁଭେଚ୍ଛା ଜଣାଇଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।
ଖିଲାଡି କୁମାର @53, ବାଲୁକାକଳାରେ ଶୁଭେଚ୍ଛା ଜଣାଇଲେ ସୁଦର୍ଶନ
ପୁରୀ ବେଳାଭୂମିରେ ଅକ୍ଷୟ କୁମାରଙ୍କ ପାଇଁ ବାଲୁକାକଳା ପ୍ରସ୍ତୁତ କରିଛନ୍ତି ସୁଦର୍ଶନ । ଏହି ବାଲୁକାକଳାରେ ଅକ୍ଷୟ କୁମାରଙ୍କ ପ୍ରତିକୃତିକୁ ସ୍ଥାନ ଦେଇଥିବା ବେଳେ ‘ଏ ରୋଲ ମଡେଲ ହିରୋ’ ବାର୍ତ୍ତା ରହିଛି । ଅକ୍ଷୟ କୁମାର ସବୁବେଳେ ନିଜ ଅଭିନୟ ଓ କଳା ମାଧ୍ୟମରେ ସମାଜକୁ ବିଭିନ୍ନ ସଚେତନତା ବାର୍ତ୍ତା ଦେଇଥାନ୍ତି ।
ଖାସ ସେଥିପାଇଁ ବଲିଉଡରେ ଖିଲାଡି କୁମାରଙ୍କ ସ୍ଥାନ ସ୍ବତନ୍ତ୍ର । ହୃଦୟରେ ରାଜ୍ କରୁଥିବା ଏହି ଅଭିନେତାଙ୍କ ଆଗାମୀ ଦିନରେ ଆହୁରି ସଫଳ ଓ ଦୀର୍ଘଜୀବୀ ହୁଅନ୍ତୁ ବୋଲି ବାଲୁକାକଳା ମାଧ୍ୟମରେ ବାର୍ତ୍ତା ଦେଇଛନ୍ତି ସୁଦର୍ଶନ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
