ପୁରୀ: ଆଜି ପବିତ୍ର ଘୋଷଯାତ୍ରା । ଭକ୍ତିମୟ ଶ୍ରୀକ୍ଷେତ୍ର । ମହାପ୍ରଭୁଙ୍କ ଦର୍ଶନ ପାଇଁ ଲୋକାରଣ୍ୟ ବଡଦାଣ୍ଡ । ଭକ୍ତଙ୍କୁ ଦର୍ଶନ ଦେବା ଲାଗି କାଳିଆ ଠାକୁର, ବଡଭାଇ ବଳଭଦ୍ର ଏବଂ ଭଉଣୀ ଶୁଭଦ୍ରାଙ୍କ ସହ ଓହ୍ଲାଇ ଆସିବେ ବଡ଼ଦାଣ୍ଡକୁ । ରଥ, ପଥ ସବୁ ପ୍ରସ୍ତୁତ । ଏହି ଉପଲକ୍ଷେ କାଳିଆ ସାଆନ୍ତଙ୍କ ମନମୋହିବାକୁ କାହିଁ କେତେ ଦୂରରୁ ଦୌଡି ଆସିଛନ୍ତି ବହୁ କଳାକାର ।
ଭିଡିଓ ସୌଜନ୍ୟ-ସମ୍ବାଦଦାତା, ପୁରୀ
ଆଜି ବଡଦାଣ୍ଡରେ ହନୁମାନ ବେଶରେ 2 ଭକ୍ତ ନୃତ୍ୟ କରୁଥିବାର ନଜର ଆସିଛନ୍ତି । ଜଣେ ଆଠଗଡର ଅରୁଣ ସାହୁ । ଯେ କି ଗତ ବର୍ଷ ଠାରୁ ଏଠାକୁ ଆସୁଛନ୍ତି । ସେହିପରି ଆଉ ଜଣେ ଭକ୍ତ ଦୀର୍ଘ 10 ବର୍ଷ ଧରି ସେ ମାହାଙ୍ଗାରୁ ଦୌଡି ଆସନ୍ତି ।
ପୁରୀରୁ ତାପସ ପରିଡା, ଇଟିଭି ଭାରତ
