ପୁରୀ: ଆଉ ଦିନକ ପରେ ରାକ୍ଷୀ ପୂର୍ଣ୍ଣିମା । ଏହି ଦିନକୁ ପ୍ରଭୁ ବଳଭଦ୍ରଙ୍କ ଜନ୍ମ ଉତ୍ସବ ଭାବେ ମଧ୍ୟ ପାଳନ କରାଯାଏ । ସେହିପରି ଏହି ଦିନ ପ୍ରତ୍ୟେକ ଭଉଣୀ ନିଜ ଭାଇଙ୍କ ହାତରେ ରାକ୍ଷୀ ବାନ୍ଧି ଉଜ୍ବଳ ଭବିଷ୍ୟତ କାମନା କରିବା ସାଙ୍ଗକୁ ନିଜର ସୁରକ୍ଷା ଭିକ୍ଷା ମଧ୍ୟ କରିଥାଏ ।
ଏହି ଅବସରରେ ପୁରୀ ଯୁବ କଳାକାର ଶ୍ୱାସତ ରଞ୍ଜନ ସାହୁ ଏକ ନିଆରା କଳାକୃତି କରିଛନ୍ତି । 1550 ଟି ଦିଆସିଲି କାଠିରେ ରାକ୍ଷୀର ଏକ ନୂଆ ମଡେଲ ପ୍ରସ୍ତୁତ କରିଛନ୍ତି । ଯେଉଁଥିରେ କି ପ୍ରଭୁ ବଳଭଦ୍ରଙ୍କ ମୁଖ ମଣ୍ଡଳ ରହିଛି । ଦୀର୍ଘ 10 ଘଣ୍ଟା ଧରି ଶ୍ୱାସତ ଏହି କଳାକୃତିଟି ସମ୍ପୂର୍ଣ୍ଣ କରିଛନ୍ତି ।
ସେହିପରି ଆଇସକ୍ରିମ କାଠିରେ ପ୍ରଭୁ ଜଗନ୍ନାଥଙ୍କ ରାକ୍ଷୀ ପ୍ରସ୍ତୁତ କରିଛନ୍ତି ଜଣେ ଶିଳ୍ପୀ । ରକ୍ଷା ବନ୍ଧନ ଉତ୍ସବ ଅବସରରେ ଆଇସକ୍ରିମ କାଠିରେ ରାକ୍ଷୀ ତିଆରି କରିଛନ୍ତି ପୁରୀର ଯୁବ ଚିତ୍ରଶିଳ୍ପୀ ବିଶ୍ୱଜିତ ନାୟକ । ଏହି ରାକ୍ଷୀରେ ମହାପ୍ରଭୁଙ୍କ ମୁଖମଣ୍ଡଳକୁ ସେ ସ୍ଥାନ ଦେଇଛନ୍ତି ବିଶ୍ବଜିତ । 75 ଟି ଆଇସକ୍ରିମ କାଠିରେ ତିଆରି କରିଛନ୍ତି ରାକ୍ଷୀ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
