ପୁରୀ : କୋଣାର୍କରେ ପହଞ୍ଚିଲା କୁଇନ୍ସ ବାଟନ ରିଲେ । କୋଣାର୍କ ସୂର୍ଯ୍ୟ ମନ୍ଦିର ସମ୍ମୁଖରେ ଏହାକୁ ସ୍ଵାଗତ କରାଯାଇଛି। ସ୍ଥାନୀୟ ବାସିନ୍ଦା ,କ୍ରୀଡାପ୍ରେମୀ , କ୍ରୀଡାବିତ ଏହି ସ୍ୱାଗତ କାର୍ଯ୍ୟକ୍ରମରେ ସାମିଲ ହୋଇଥିଲେ। ଚଳିତ ବର୍ଷ ଇଂଲଣ୍ଡର ବ୍ରମିଂହମରେ 2022 କମନ ଓ୍ବେଲଥ ଗେମ ଅନୁଷ୍ଠିତ ହେବ। ଏଥିପାଇଁ କାଉଣ୍ଟଡାଉନ ଆରମ୍ଭ ହୋଇଛି । ସାରା ବିଶ୍ୱରେ ପରିଭ୍ରମଣ କରୁଛି କୁଇନ୍ସ ବାଟନ ରିଲେ ।
କୋଣାର୍କରେ ପହଞ୍ଚିଲା କୁଇନ୍ସ ବାଟନ ରିଲେ
ଏହାବି ପଢନ୍ତୁ :ପୁରୀରେ କୁଇନ୍ସ ବାଟନ ରିଲେ, ବଡଦାଣ୍ଡରେ ସ୍ବାଗତ ଜଣାଇଲା ପ୍ରଶାସନ
ଏହାକୁ ବିଭିନ୍ନ ସ୍ଥାନରେ ସ୍ୱାଗତ ମଧ୍ୟ କରାଯାଇଛି। ଶୁକ୍ରବାର ଭୁବନେଶ୍ବରରେ ପହଞ୍ଚିଥିବା ପରେ ଆଜି(ଶନିବାର) ପୁରୀ ଅଭିମୁଖେ ବାହାରିଥିଲା । ପୁରୀ ବଡ଼ଦାଣ୍ଡରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ବିପୁଳ ସମ୍ବର୍ଦ୍ଧନା ଦିଆଯାଇଥିଲା । ପୋଲିସ ବ୍ୟାଣ୍ଡର ତାଳେ କୁଇନ୍ସ ବାଟେନକୁ ସ୍ଵାଗତ କରାଯାଇଥିଲା । ପରେ ଏହା କୋଣାର୍କ ଅଭିମୁଖେ ବାହାରିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର , ଇଟିଭି ଭାରତ
