ପୁରୀ : ମତଦାନ କେନ୍ଦ୍ରରେ ଲାଗିଛି ଲମ୍ବା ଧାଡି। ନିଜ ପସନ୍ଦର ଯୋଗ୍ୟ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଉତ୍ସାହର ସହ ଅପେକ୍ଷା କରିଛନ୍ତି ଭୋଟର। ମତଦାତାଙ୍କ ଭିତରେ ରହିଛନ୍ତି ଯୁବକଙ୍କ ଠାରୁ ବରିଷ୍ଠ ନାଗରିକ। କିଛି ଭୋଟର ଭୋଟ ଦେଇସାରିଥିବା ବେଳେ କିଛି ଧାଡିରେ ଅପେକ୍ଷା କରି ରହିଛନ୍ତି ମତଦାନ କରିବା ପାଇଁ ।
ଭିଡିଓ ସୌଜନ୍ୟ: ସମ୍ବାଦଦାତା,ପୁରୀ
ମତଦାତାଙ୍କ କହିବା ଅନୁସାରେ, ପୁରୀ ନଗର ବାସୀଙ୍କ ସମସ୍ଯା ଦୂର କରି ପାରୁଥିବା ପ୍ରାର୍ଥୀଙ୍କୁ ଭୋଟ ଦେବେ । ତେବେ ନିଜ ପସନ୍ଦ ସହ ଅଞ୍ଚଳର ବିକାଶ କରୁଥିବା ପ୍ରାର୍ଥୀଙ୍କୁ ଭୋଟ ଦେଇଛନ୍ତି କିଛି ଭୋଟର। ଅନ୍ୟପଟେ ନୂଆ କରି ବ୍ୟବହାର କରୁଥିବା ଭିଭିପାଟ ମେସିନକୁ ନେଇ ଖୁବ ଖୁସି ଅଛନ୍ତି ଭୋଟର। କାରଣ ଏହି ମେସିନ ଦ୍ବାରା ସେମାନେ କେଉଁ ପ୍ରାର୍ଥୀଙ୍କୁ ଭୋଟ ଦେଇଛନ୍ତି ସେ ନେଇ ସ୍ପଷ୍ଟ ହୋଇ ପାରୁଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
