ପୁରୀ: ଜିଲ୍ଲାରେ କୋଭିଡ଼ ଟୀକାକରଣରେ ସିଥିଳତା ପ୍ରକାଶ ପାଇଛି । ଅନେକ ଲୋକ କୋଭିଡ ଟିକା ନେବାରେ ଆଗ୍ରହ ପ୍ରକାଶ କରୁନାହାନ୍ତି । ତେବେ ଖୁବଶୀଘ୍ର କୋଭିଡ଼ର ସମସ୍ତ ଟିକା ନେବାକୁ ଜିଲ୍ଲାବାସୀଙ୍କୁ ଅପିଲ କରିଛନ୍ତି ଜିଲ୍ଲାପାଳ ସମର୍ଥ ବର୍ମା ।
ସମସ୍ତ ଜିଲ୍ଲାବାସୀ ଟିକା ନେଉନଥିବାରୁ ଏ ପର୍ଯ୍ୟନ୍ତ କୋଭିଡ ଟୀକାକରଣ ପ୍ରଥମ ଡୋଜ 82 ପ୍ରତିଶତ ଓ ସେକେଣ୍ଡ ଡୋଜ ମାତ୍ର 54 ପ୍ରତିଶତ ହୋଇଛି । ଯାହାକୁ ନେଇ ଜିଲ୍ଲାପାଳ ସମର୍ଥ ବର୍ମା ଚିନ୍ତା ପ୍ରକଟ କରିଛନ୍ତି । ପୁରୀ ଜିଲ୍ଲାବାସୀ କୋଭିଡ ଟୀକାକରଣରେ ସହଯୋଗ କରିବା ପାଇଁ ପୁରୀ ଜିଲ୍ଲାପାଳ ଏକ ଭିଡ଼ିଓ ବାର୍ତ୍ତାରେ ଜିଲ୍ଲାବାସୀଙ୍କୁ ଅପିଲ କରିଛନ୍ତି । ଏବେ ଗାଁ ଗାଁରେ କୋଭିଡ଼ ଭ୍ୟାକ୍ସିନେସନ ଟିମ୍ ବୁଲି କୋଭିଡ ଟିକା ପ୍ରଦାନ କରୁଛି ।
ଏଣୁ ସମସ୍ତେ ନିଜେ ଯିବା ସହ ନିଜ ସାଙ୍ଗ ସାଥୀ ବନ୍ଧୁଙ୍କୁ ନେଇ କୋଭିଡ ଟିକା ନେବା ପାଇଁ ଜିଲ୍ଲାପାଳ ଅନୁରୋଧ କରିଛନ୍ତି । ଏବେ ବି କୋଭିଡ଼ ଆମ ସମାଜରୁ ଯାଇନାହିଁ । କୋଭିଡ ଟିକା ନ ନେଲେ ପୁଣି ସଂକ୍ରମଣ ବଢିବା ଆଶଙ୍କା ରହିଛି । ଏଣୁ କୋଭିଡ ଟୀକାକରଣରେ ସମସ୍ତେ ସାମିଲ ହେବାକୁ ଜିଲ୍ଲାପାଳ ସମର୍ଥ ବର୍ମା ଜିଲ୍ଲାବାସୀଙ୍କୁ ଅପିଲ କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
