ପୁରୀ: ନନ୍ଦିଘୋଷ ରଥ ଅଖରେ ଫାଟ । ବୈଷୟିକ କମିଟିର ପରାମର୍ଶ ପରେ ନୂଆ ଅଖ ଲାଗିବା ନେଇ ହେଲା ନିଷ୍ପତ୍ତି । ରଥ ନିର୍ମାଣ କାର୍ଯ୍ୟ ଆଗେଇ ଚାଲି ଥିବାବେଳେ ନନ୍ଦିଘୋଷ ରଥରେ ସାମାନ୍ୟ ସମସ୍ୟା ଦେଖାଦେଇଛି । ନନ୍ଦିଘୋଷ ରଥ ଅଖରେ ଫାଟ ସୃଷ୍ଟି ହୋଇଥିବାରୁ ଏହାକୁ ବଦଳାଇ ନୂଆ ଅଖ ଲଗାଯିବ । ନନ୍ଦିଘୋଷ ରଥର ପଛ ଅଖରେ ଫାଟ ଥିବା ଯୋଗୁ ଏହାକୁ ବଦଳାଯିବା ପାଇଁ ନିଆଯାଇଛି ନିଷ୍ପତ୍ତି ।
ଅଖରେ ଫାଟଥିବାରୁ ଓଝା ସେବକମାନେ ଗତକାଲି(ଗୁରୁବାର) ଅଖ, ଦଣ୍ଡା, କୁଡୁକାକୁ ବାନ୍ଧି ରଖିବା ପାଇଁ କ୍ଲାମ୍ପ ଲଗାଇଥିଲେ । ତେବେ ରଥଯାତ୍ରା ସମୟରେ ଏହି ଅଖ ସମସ୍ୟା ସୃଷ୍ଟି କରିବା ଆଶଙ୍କା ଥିବାରୁ ବୈଷୟିକ କମିଟିର ପରାମର୍ଶ କ୍ରମେ ଏହାକୁ ବଦଳାଯାଉଛି । ତେବେ ରଥ ନିର୍ମାଣରେ ଆଉ କିଛି ସମସ୍ୟା ନ ଥିବାବେଳେ ନୂଆ ଅଖ ପାଇଁ ଅଖ ହଣା କାର୍ଯ୍ୟ ଚାଲୁ ରହିଛି ।
ଇଟିଭି ଭାରତ, ପୁରୀ
