ପୁରୀ: ମହାତ୍ମା ଗାନ୍ଧୀଙ୍କ ବିଷୟରେ ବିବାଦୀୟ ଟ୍ବିଟ କରି ଚର୍ଚ୍ଚାରେ ଥିବା ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କୁ ବିଭିନ୍ନ ମହଲରେ କଡା ସମାଲୋଚନା କରାଯାଇଛି । ତେବେ ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ ମଧ୍ୟ କଙ୍ଗନାଙ୍କୁ କଡା ସମାଲୋଚନା କରିଛନ୍ତି ।
ମହାତ୍ମା ଗାନ୍ଧୀଙ୍କ ଆଦର୍ଶ ସାରା ବିଶ୍ବବାସୀ ସ୍ବୀକାର କରିଥିବାବେଳେ କଙ୍ଗନା ଜଣେ ଭାରତୀୟ ହୋଇ ଗାନ୍ଧିଜୀଙ୍କ ତ୍ୟାଗ ଉପରେ ପ୍ରଶ୍ନବାଚୀ ସୃଷ୍ଟି କରିବା ଅତ୍ୟନ୍ତ ନିନ୍ଦନୀୟ ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।
ସେହିପରି କଙ୍ଗନା କଡା ବିରୋଧ କରିଛନ୍ତି ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ । ଗାନ୍ଧିଜୀଙ୍କ ଅରୁଚିକର ମନ୍ତବ୍ୟ ଆଦୌ ଗ୍ରହଣୀୟ ନୁହେଁ ବୋଲି ସେ କହିଛନ୍ତି । କଙ୍ଗନା ଯଦି କ୍ଷମା ପ୍ରାର୍ଥନା ନ କରନ୍ତି ଆଗାମୀ ଦିନରେ ଓଡିଶାରେ କଙ୍ଗନାଙ୍କୁ ପ୍ରବେଶ କରାଇ ଦିଆଯିବ ନାହଁ ଏବଂ ଦୃଢ଼ ବିରୋଧ କରାଯିବ ବୋଲି ସୁରେଶ ରାଉତରାୟ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
