ପୁରୀ: ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା ଅନୁଧ୍ୟାନ କଲେ ଏନଏସଜି ଟିମ । 2 ଜଣିଆ ଅଧିକାରୀ ଆସି ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି । ଶ୍ରୀମନ୍ଦିରର ଚାରି ପାର୍ଶ୍ବ ବୁଲିବା ସହ ୱାଚ୍ ଟାୱାର ମଧ୍ୟ ଦେଖିଥିଲେ । ମନ୍ଦିରର ଚାରିଦ୍ବାରା ପ୍ରବେଶ ବ୍ୟବସ୍ଥା କିପରି ସେନେଇ ପଚାରି ବୁଝିଥିଲେ ଏନଏସଜି ଟିମ ।
ଶ୍ରୀମନ୍ଦିର ସୁରକ୍ଷା ଯାଞ୍ଚ କଲା NSG
ସେହିପରି ଶ୍ରୀମନ୍ଦିର ଚାରି ପାଖରେ ଉଚ୍ଛେଦ ପରେ କିଭଳି ସୁରକ୍ଷା ବ୍ୟବସ୍ଥା ରାଜ୍ୟ ସରକାରଙ୍କ ଯୋଜନା ରହିଛି ସେନେଇ ବୁଝିଥିଲେ । ପୂର୍ବରୁ ଶ୍ରୀମନ୍ଦିର ଆତଙ୍କବାଦୀଙ୍କ ଟାର୍ଗେଟ ଥିବା ନେଇ ଏହାର ଗୁଇନ୍ଦା ରିପୋର୍ଟ ପରେ ଅନେକ ଥର ଏନଏସଜି ଟିମ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥା ସମୀକ୍ଷା କରିଥିଲେ ।
ଆଜିର ସମୀକ୍ଷା ପରେ କିଭଳି ସୁରକ୍ଷା ବ୍ୟବସ୍ଥା ଆହୁରି ଦୃଢ ହେବ ସେନେଇ ଏନଏସଜି ସରକାରଙ୍କୁ ରିପୋର୍ଟ ଦେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
