ପୁରୀ: ଆଷାଢ଼ ଶୁକ୍ଳ ଦ୍ବିତୀୟା ତିଥି । ଶ୍ରୀଜୀଉଙ୍କ ବିଶ୍ବପ୍ରସିଦ୍ଧ ଘୋଷଯାତ୍ରା । ଏହି ଯାତ୍ରା ପାଇଁ ଭକ୍ତ ବର୍ଷଟିଏ ଚାତକ ପରି ଚାହିଁ ରହିଥାଏ । କାଳିଆର ଶ୍ରୀମୁଖ ଦର୍ଶନ ପାଇଁ କାହିଁ କେତେ ଦୂରରୁ ଭକ୍ତ ପୁରୀକୁ ଧାଇଁ ଆସିଥାନ୍ତି । ହେଲେ ଏଠି କାଳିଆ ଦର୍ଶନ ସହ ବିଶ୍ବବାସୀଙ୍କ କଲ୍ୟାଣ ପାଇଁ ନେପାଳରୁ ଧାଇଁ ଆସିଛନ୍ତି ଜଣେ ନାଗାସାଧୁ । ଶରୀରକୁ କଷ୍ଟ ଦେଇ ପାହୁଣ୍ଡ ପାହୁଣ୍ଡ ରାସ୍ତା ଅତିକ୍ରମ କରି ସେ ଆସୁଛନ୍ତି ଶ୍ରୀକ୍ଷେତ୍ର ।
ଭିଡିଓ ସୌଜନ୍ୟ: ସମ୍ବାଦଦାତା ପୁରୀ
ଖବର ଅନୁଯାୟୀ, ନେପାଳ ଜନକପୁରର ନାଗା ବାବା ରଘୁବିର ମହାରାଜ । ସେ ଦଣ୍ଡ ପ୍ରଣାମ ଜରିଆରେ ନେପାଳରୁ ସାଢେ ତିନିବର୍ଷ ଧରି ୨୦୦୦ କିମି ରାସ୍ତା ଅତିକ୍ରମ କରି ଆସିଛନ୍ତି ପୁରୀ । ଜଗନ୍ନାଥଙ୍କ ଦର୍ଶନ ପରେ ତାଙ୍କ ଯାତ୍ରା ରାମେଶ୍ବର ପର୍ଯ୍ୟନ୍ତ ରହିବ । ଏହା ପୁର୍ବରୁ ସାଧୁ ଜଣକ ଝାଡଖଣ୍ଡର ବାସୁକିନାଥ ବୈଦନାଥ, ପଶ୍ଚିମବଙ୍ଗର ତାରାପୀଠ ଓ ଭୁବନେଶ୍ବରର ଲିଙ୍ଗରାଜ ମନ୍ଦିର ମଧ୍ୟ ଦର୍ଶନ କରିଛନ୍ତି ।
ପୁରୀରୁ ତାପସ ପରିଡା, ଇଟିଭି ଭାରତ
