ପୁରୀ: ଶାନ୍ତି ଶୃଙ୍ଖଳାର ସହ ବିଶ୍ବ ପ୍ରସିଦ୍ଧ ରଥଯାତ୍ରା ପାଳନ ନେଇ ପୁରୀ ପୋଲିସର ମକ୍ ଡ୍ରିଲ୍ । ରଥଯାତ୍ରା ସମୟରେ କୌଣସି ପ୍ରକାର ଆତଙ୍କବାଦୀ କାର୍ଯ୍ୟକଳାପକୁ ପ୍ରତିହତ କରିବା ପାଇଁ ପୋଲିସ୍ ବିଭାଗର ସ୍ପେସାଲ୍ ଟାକ୍ଟୀକାଲ ୟୁନିଟ(Tactical Unit) ତଥା STU ମକ୍ ଡ୍ରିଲ୍ କରିଛି । ପୁରୀ ଶ୍ରୀଗୁଣ୍ଡିଚା ମନ୍ଦିର ନିକଟରେ ଥିବା ପୋଲିସ ବିଭାଗର ଅବକାଶ ଗୃହ ନିକଟରେ କରାଯାଇଛି ମକ୍ ଡ୍ରିଲ୍ ।
ବରିଷ୍ଠ ପୋଲିସ ଅଧିକାରୀଙ୍କ ଉପସ୍ଥିତିରେ ମକ୍ ଡ୍ରିଲ୍ ହୋଇଥିବା ଦେଖିବାକୁ ମିଳିଛି । ରଥଯାତ୍ରା ସମୟରେ ଯଦି କୌଣସି ଆତଙ୍କବାଦୀ ବା ଦୁର୍ବୃତ୍ତ ଲୋକଙ୍କୁ ବନ୍ଧକ ରଖନ୍ତି ତେବେ ସେମାନଙ୍କୁ କିପରି ରକ୍ଷା କରାଯାଇ ପାରିବ ତାହା ମକ୍ ଡ୍ରିଲରେ ପ୍ରଦର୍ଶନ କରାଯାଇଛି । ପ୍ରତୀକାତ୍ମକ ଭାବେ କିଛି ଲୋକଙ୍କୁ ବନ୍ଧକ ରଖାଯାଇ ଉଦ୍ଧାର କରାଯିବା ସହ ଆତଙ୍କବାଦୀଙ୍କୁ ମୁହଁତୋଡ ଜବାବ ଦିଆଯାଇଛି ମକ୍ ଡ୍ରିଲ୍ରେ ।
ଇଟିଭି ଭାରତ, ପୁରୀ