ପୁରୀ: ପୋଲିସକୁ ମିଳିଛି ଆଉ ଏକ ସଫଳତା । ଦିନ ଦ୍ଵିପ୍ରହରରେ ମୋବାଇଲ ଲୁଟ କରୁଥିବା ଏକ ମୋବାଇଲ ଲୁଟେରା ଗ୍ୟାଙ୍ଗକୁ ଗିରଫ କରିଛି ଟାଉନଥାନା ଓ ସମୁଦ୍ରକୂଳ ଥାନା ପୋଲିସର ମିଳିତ ଟିମ୍ । । ଏହି ଟିମ ଅପରାଧ ଜଗତରେ ନୂଆ । ଏମାନଙ୍କ ଠାରୁ ୪ଟି ମୋବାଇଲ ଓ ଦୁଇଟି ବାଇକ ଜବତ କରାଯାଇଛି । ଗିରଫ ଅଭିଯୁକ୍ତ ହେଲେ ଦୋଳମଣ୍ଡପ ସାହିର ଆଶୀର୍ବାଦ ଦାଶ, ବଡୁମହାପାତ୍ର ଯାଗାର ସୋନୁ ଓରଫ ଦାଢ଼ି ବିଶ୍ୱାଳ, ନରେନ୍ଦ୍ରକୋଣର ରୋହିତ ପ୍ରଧାନ ଏବଂ ପିପିଲି ପାଇକପଡାର ସଦାଶିବ ବେହେରା ।
ମୋବାଇଲ ଲୁଟେରା ଗିରଫ, 4 ମୋବାଇଲ ସମେତ 2 ବାଇକ ଜବତ
ରବିବାର ଟାଉନ ଥାନା ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସିଟି ଡ଼ିଏସପି ସୂଚନା ଦେଇଛନ୍ତି । ପୂର୍ବରୁ ଏହି ଅଭିଯୁକ୍ତଙ୍କ ନାଁରେ ଥାନାରେ କୌଣସି ମାମଲା ନଥିଲା । ପଇସା ରୋଜଗାର କରିବା ନିଶାରେ ଏମାନେ ଅପରାଧ ଦୁନିଆରେ ପାଦ ଦେଉଛନ୍ତି । ପୁରୀ ପୋଲିସର ଏହି ତ୍ୱରିତ ପଦକ୍ଷେପକୁ ମୋବାଇଲ ପାଇଥିବା ବ୍ୟକ୍ତି ଜଣକ ଉଚ୍ଚପ୍ରଶଂସା କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
