ପୁରୀ: ଶ୍ରୀମନ୍ଦିରରେ ନାବାଳିକାକୁ ଅସଦାଚରଣ ଅଭିଯୋଗ । ପୀଡିତାଙ୍କ ପରିବାର ଅଭିଯୋଗ ପରେ ପୋଲିସ ମାମଲା ରୁଜୁ କରି ଜଣେ ପୂଜାରୀକୁ ଅଟକ ରଖିଛି ।
ଶ୍ରୀମନ୍ଦିରରେ ନାବାଳିକାକୁ ଅସଦାଚରଣ ଅଭିଯୋଗ । ଶ୍ରୀମନ୍ଦିର ପରିସର ବାମନ ମନ୍ଦିରରେ ଘଟିଛି ଘଟଣା । ଏନେଇ ସିଂହଦ୍ବାର ଥାନାରେ ନାବାଳିକା ପରିବାର ପକ୍ଷରୁ ଅଭିଯୋଗ କରିଛନ୍ତି । ଏହା ପରେ ପୋଲିସ ପୋକ୍ସୋ ଆକ୍ଟରେ ମାମଲା ରୁଜୁ କରି ଅଭିଯୁକ୍ତ ପୂଜାରୀକୁ ସିଂହଦ୍ଵାର ଥାନାରେ ଅଟକ ରଖାଯାଇଛି । ପୋଲିସ ପକ୍ଷରୁ ତଦନ୍ତ କରାଯାଇଥିବା ବେଳେ ସିଡବ୍ଲୁ ସିରେ ନାବାଳିକାଙ୍କୁ କାଉନସେଲିଂ କରାଯିବା ପରେ ବୟାନ ରେକର୍ଡ କରାଯାଇଛି ।
ତେବେ ନାବାଳିକା ଜଣକ ପୁରୀ ବାହାରର ହୋଇଥିବା ବେଳେ ସେ ତାଙ୍କ ସମ୍ପର୍କୀୟଙ୍କ ସହ ଗତକାଲି (ଶୁକ୍ରବାର) ମନ୍ଦିର ଦର୍ଶନ ପାଇଁ ଆସିଥିଲେ । ତେବେ ଏନେଇ ପୁରୀ ପୋଲିସ ତରଫରୁ କୌଣସି ପ୍ରତିକ୍ରିୟା ମିଳିପାରିନାହିଁ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
