ପୁରୀ: ବଡ଼ ଅଘଟଣରୁ ବର୍ତ୍ତିଲା ସତ୍ୟବାଦୀ ଏସବିଆଇ ଶାଖା (SBI Branch) । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ସୂଚନା ଅନୁସାରେ, ପୁରୀ ଜିଲ୍ଲା ସତ୍ୟବାଦୀ ଏସବିଆଇ ବ୍ୟାଙ୍କର କ୍ୟାଣ୍ଟିନରେ ଗ୍ୟାସ ପାଇପ ଲିକ ହୋଇଯାଇଥିଲା । ଫଳରେ ନିଆଁ ଲାଗି ଯାଇଥିଲା ।
ସତ୍ୟବାଦୀ ଏସବିଆଇ ଶାଖାରେ ଭୟାବହ ଅଗ୍ନିକାଣ୍ତ
ବ୍ୟାଙ୍କରେ ଧୂଆଁମୟ ହେବାରୁ ଗ୍ରାହକ ଓ କର୍ମଚାରୀ ଭୟଭୀତ ହୋଇ ବ୍ୟାଙ୍କ ବାହାରକୁ ଦୌଡି ପଳାଇ ଆସିଥିଲେ ।
ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ତେବେ, ଏହି ଅଗ୍ନିକାଣ୍ଡରେ ବ୍ୟାଙ୍କର ବିଶେଷ କିଛି ନଷ୍ଟ ହୋଇନାହିଁ । ଆଜି କ୍ୟାଣ୍ଟିନରେ ରୋଷେଇ ହେଉଥିବା ସମୟରେ ଏଭଳି ଘଟଣା ଘଟିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର , ଇଟିଭି ଭାରତ
