ପୁରୀ: ଶ୍ରୀମନ୍ଦିର କାର୍ଯ୍ୟାଳୟରୁ ମନ୍ଦିର ରତ୍ନ ଭଣ୍ଡାରକୁ ସ୍ବର୍ଣ୍ଣ ଅଳଙ୍କାରଙ୍କୁ ସ୍ଥାନାନ୍ତର କରାଯାଇଛି । କିଛି ଦିନ ତଳେ ଜଣେ ଦାତା ନାମ ଗୋପନ ରଖି ମହାପ୍ରଭୁଙ୍କ ପାଇଁ ସ୍ବର୍ଣ୍ଣ ଅଳଙ୍କାର ସମର୍ପଣ କରିଥିଲେ । ସ୍ବର୍ଣ୍ଣ ଅଳଙ୍କାରଗୁଡିକର ଓଜନ ପ୍ରାୟ 4 କେଜି 858 ଗ୍ରାମ ହୋଇଥିବାବେଳେ 3 କେଜି 876 ଗ୍ରାମ ରୂପା ଅଳଙ୍କାର ଆକାରରେ ମିଳିଥିଲା ।
ରତ୍ନ ଭଣ୍ଡାରରେ ରଖାଗଲା ମହାପ୍ରଭୁଙ୍କ ସ୍ବର୍ଣ୍ଣ ଅଳଙ୍କାର
ମିଳିିଥିବା ସୁନାରେ ମହାପ୍ରଭୁଙ୍କ ସ୍ବର୍ଣ୍ଣ ଅଳଙ୍କାର, ଝୋବା ଓ ଶ୍ରୀମୁଖ୍ୟ ପଦ୍ମ ରହିଛି । ସୁନାରେ ଦେବୀ ସୁଭଦ୍ରାଙ୍କ ପାଇଁ 2ଟି ତଡକୀ, 2ଟି ଝୋବା ରହିଛି । ଶ୍ରୀବଳଭ୍ରଦଙ୍କ 40ଟି ଶ୍ରୀମୁଖ ପଦ୍ମ, 2ଟି ଝୋବା ମଧ୍ୟ ରହିଛି । ଶ୍ରୀଜଗନ୍ନାଥଙ୍କ ପାଇଁ ୫୩ଟି ଶ୍ରୀମୁଖ ପଦ୍ମ, ୨ଟି ଝୋବା ରହିଛି । ଆଳଙ୍କାରଗୁଡିକୁ ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ରଖାଯାଇଥିବା ବେଳେ ସୋମବାର ଅପରାହ୍ନରେ କଡା ସୁରକ୍ଷା ମଧ୍ୟରେ ଅଳଙ୍କାରଗୁଡିକୁ ଶ୍ରୀମନ୍ଦିର ରତ୍ନ ଭଣ୍ଡାରକୁ ସ୍ଥାନାନ୍ତର କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
