ପୁରୀ: ଶ୍ରୀମନ୍ଦିର ସମ୍ମୁଖରେ ଗୁଳିକାଣ୍ଡ ଘଟଣା । ସେବାୟତ ଶିବରାମ ପାତ୍ର ହତ୍ୟାକାଣ୍ଡ ମାମଲା ନେଇ 3 ଜଣଙ୍କୁ ଅଟକ ରଖିଲା ପୋଲିସ। ପାରିବାରିକ ବିବାଦକୁ ନେଇ ହତ୍ୟାକାଣ୍ଡ ହୋଇଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି।
ପୁରୀ ଲୋକନାଥ ମନ୍ଦିରର ସେବାୟତ ଶିବ ରାମ ପାତ୍ରଙ୍କ ହତ୍ୟାକାଣ୍ଡ ନେଇ ରୁଜୁ ହୋଇଥିବା ଏତଲାକୁ ଆଧାର କରି ତିନି ଜଣଙ୍କୁ ପୋଲିସ ଅଟକ ରଖିଛି । ମୁଖ୍ୟ ଅଭିଯୁକ୍ତ ଚନ୍ଦନ ବାରିକକୁ ହତ୍ୟାକାଣ୍ଡର କାରଣ ନେଇ ପଚରା ଉଚରା କରୁଛି । ପାରିବାରିକ ବିବାଦ ନେଇ ହତ୍ୟାକାଣ୍ଡ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି ବୋଲି ପୁରୀ ଏସପି କହିଛନ୍ତି । ସେପଟେ ଧାର୍ମିକ ନଗରୀ ସହରରେ ପୁରୀ ଗୁଳିକାଣ୍ଡ ଘଟଣା ବଢି ଚାଲିଥିବା ବେଳେ ଚୋରା ବନ୍ଧୁକ କାରବାର ବଢିବାରେ ଲାଗିଛି ।
ଅପରାଧୀ ମାନେ ଖୁଲମ ଖୁଲା ବନ୍ଧୁକ ବ୍ୟବହାର କରି ଅପରାଧ ଭିଆଉଛନ୍ତି । ତେବେ ପୁରୀ ସହରରେ ଚୋରା ବନ୍ଧୁକ କାରବାର ରୋକିବା ପାଇଁ ପୁରୀ ପୋଲିସ ପକ୍ଷରୁ 5 ଟିମ ଗଠନ କରାଯାଇଛି । ବନ୍ଧୁକ କୋଉଁଠୁ ଆସୁଛି ଏବଂ କିଏ ବିକୁଛି ତାକୁ ଧରିବା ପାଇଁ ପୋଲିସ ଅଣ୍ଟା ଭିଡ଼ିଛି । ଖୁବ ଶୀଘ୍ର ବନ୍ଧୁକ ରାକେଟର ପର୍ଦ୍ଦାଫାସ ହେବ ଏସପି ସୂଚନା ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
