ପୁରୀ: ରାଣୀ ଗୁଣ୍ଡିଚା ମନ୍ଦିରରେ ଚୁଲିଭଙ୍ଗା ଘଟଣାକୁ ଖଣ୍ଡନ କଲେ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ଅନନ୍ତ ତିଆଡ଼ି । ଶ୍ରୀଗୁଣ୍ଡିଚା ମନ୍ଦିରରେ ଥିବା ଚୁଲିଗୁଡିକ ମରାମତି କରାଯାଉଛି, ଭାଙ୍ଗିବା ଘଟଣା ସମ୍ପୂର୍ଣ୍ଣ ମିଛ । ଭକ୍ତଙ୍କୁ ଆଡପ ଅବଡା ମିଳିବାର କୌଣସି ସମସ୍ୟା ହେବ ନାହିଁ । ଆସନ୍ତାକାଲି ଠାରୁ ଭକ୍ତଙ୍କୁ ଆଡ଼ପ ଅବଡା ମିଳିବ ବୋଲି ଅନନ୍ତ ତିଆଡି କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ, ଗୁଣ୍ଡିଚା ମନ୍ଦିରରେ 240 ଟି ଚୁଲି ରହିଛି । ସୁଆର ନିଯୋଗର ଯେଉଁ ସେବାୟତ ଚୁଲି ଭାଙ୍ଗିବା ନେଇ ଅଭିଯୋଗ କରିଛନ୍ତି ଏହା ତାଙ୍କର ବ୍ୟକ୍ତିଗତ ମତ । ତେବେ ସେ କାହିଁକି ଏଭଳି ମତ ଦେଇଛନ୍ତି ସେନେଇ ତଦନ୍ତ ହେବ ବୋଲି କହିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ଅନନ୍ତ ତିଆଡ଼ି ।
ସୂଚନା ଅନୁଯାୟୀ ଆଜି(ଶନିବାର) ଶ୍ରୀଗୁଣ୍ଡିଚା ମନ୍ଦିର ରୋଷ ଘରେ ପଶି କେହି ଦୁର୍ବୃତ୍ତ 20ଟି ଚୁଲି ଭାଙ୍ଗି ଦେଇଥିବା ଅଭିଯୋଗ ହୋଇଥିଲା । ସୁଆର ଓ ମହାସୁଆର ନିଯୋଗ ପକ୍ଷରୁ ଏହି ଅଭିଯୋଗ କରାଯାଇଥିଲା ।
ଇଟିଭି ଭାରତ, ପୁରୀ
