ପୁରୀ: ସୁବର୍ଣ୍ଣ ବେଳାଭୂମିରେ ଭାରତର ମହାନ ଆଥଲେଟ ମିଲଖା ସିଂହଙ୍କୁ ଶ୍ରଦ୍ଧାଞ୍ଜଳି ଦେଲେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ଶୁକ୍ରବାର ରାତିରେ ମିଲଖାଙ୍କର ଚିକିତ୍ସାଧୀନ ଅବସ୍ଥାରେ ମିଲଖାଙ୍କର ହୋଇଛି ପରଲୋକ ।
ଧାବକ ମିଲଖା ସିଂ ଏସିଆନ ଗେମ୍ସରେ ୪ ଥର ସ୍ବର୍ଣ୍ଣ ପଦକ ଜିତିଥିଲେ । ୧୯୫୮ କମନୱେଲଥ ଗେମ୍ସରେ ଚାମ୍ପିୟନ ହୋଇଥିଲେ। ସେ ମଧ୍ୟ ୧୯୫୬ ଏବଂ ୧୯୬୪ ଅଲିମ୍ପିକ୍ ଗେମରେ ମଧ୍ୟ ଭାଗ ନେଇଥିଲେ। ୧୯୫୯ରେ ତାଙ୍କୁ ଭାରତ ସରକାର ପଦ୍ମଶ୍ରୀ ସମ୍ମାନ ପ୍ରଦାନ କରିଥିଲେ। କିଛିଦିନ ତଳେ କୋରୋନା ମହାମାରୀରେ ଆକ୍ରାନ୍ତ ହୋଇଥିଲେ ମିଲଖା । ତେବେ କୋରୋନା ରିପୋର୍ଟ ନେଗେଟିଭ ଆସିବା ପରେ ମଧ୍ୟ ତାଙ୍କ ସ୍ବାସ୍ଥ୍ୟାବସ୍ଥା ଶୁକ୍ରବାର ପୁଣି ଥରେ ସଙ୍କଟାପନ୍ନ ହୋଇଥିଲା । ଶୁକ୍ରବାର ରାତିରେ ଚଣ୍ଡୀଗଡ଼ ସ୍ଥିତ PGIMER ହସ୍ପିଟାଲରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ପୁରୀ ବେଳାଭୂମିରେ ମିଲଖା ସିଂହଙ୍କ ବାଲୁକା ପ୍ରତିକୃତି ସହ ଟ୍ରାକରେ ମିଲଖା ଦୌଡୁଥିବାର ଏକ ବାଲୁକା କଳା କରି ଶ୍ରଦ୍ଧାଞ୍ଜଳି ଦେଇଛନ୍ତି ସୁଦର୍ଶନ ପଟ୍ଟନାୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
