ପୁରୀ: ଆଗକୁ ସ୍ନାନଯାତ୍ରା ପାଳନ ହେବାକୁ ଥିବାବେଳେ ରଥନିର୍ମାଣ କାର୍ଯ୍ୟ ମଧ୍ୟ ଜୋରସୋରରେ ଆଗେଇ ଚାଲିଛି । ଯଥେଷ୍ଟ ସମୟ ପୂର୍ବରୁ ରଥର ଚାରିନାହାକା ଟେକା ସରିଥିବାବେଳେ ଏବେ ଚଉଦ ନାହାକା ଓ ପ୍ରଥମ ଭୂଇଁ ନିର୍ମାଣ କାର୍ଯ୍ୟ ଜାରି ରହିଛି । ରୂପକାର ସେବାୟତମାନେ ରଥର ସୌନ୍ଦର୍ଯ୍ୟକରଣ ଓ ଖୋଦେଇ କାର୍ଯ୍ୟ ନିଷ୍ଠାର ସହ କରୁଛନ୍ତି । ଏପଟେ ଆସନ୍ତା ରଥଯାତ୍ରାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସେବାୟତଙ୍କ ଟିକାକରଣ ଓ କୋଭିଡ୍ ଟେଷ୍ଟ ଉପରେ ଗୁରୁତ୍ୱାରୋପ କରାଯାଇଛି ।
ଏବେ ବିଶ୍ୱକର୍ମା ମହାରଣାମାନେ ରଥର ପ୍ରଥମ ଭୂଇଁ ନିର୍ମାଣ କାର୍ଯ୍ୟ ଜାରି ରଖିଥିବାବେଳେ ଚଉଦ ନାହାକା ନିର୍ମାଣ କାର୍ଯ୍ୟ ମଧ୍ୟ ଜାରି ରଖିଛନ୍ତି । ସେହିପରି ରୂପକାର ସେବାୟତମାନେ ରଥର ସୌନ୍ଦର୍ଯ୍ୟକରଣ ଓ ଖୋଦେଇ କାର୍ଯ୍ୟ ଜାରି ରଖିଛନ୍ତି । ନାଟଗୋଡ ଓ ପଟାଗୁଜରେ ନରବିରାଳ, ସିଂହବିରାଳ, ଗଜବିରାଳ ଖୋଦେଇ କାମ କରୁଛନ୍ତି । ଆଗକୁ ରଥର ପ୍ରଭା, ସିଂହାସନ, ଜୁଆଳୀ, ଇଶ ସହ ସାରଥୀ ଓ ଘୋଡାର ମରାମତି କାମ କରାଯିବ ବୋଲି କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
