ପୁରୀ: ଶ୍ରୀମନ୍ଦିର ନିକଟରେ ଥିବା ଏମାର ମଠକୁ ଆଜି ଉଚ୍ଛେଦ କରାଯିବ । ନିକଟରେ ଥିବା ଦୋକାନ ଘରକୁ ମଧ୍ୟ ଖାଲି କରାଇ ଦିଆଯାଇଛି । ପୁରାତନ ଲଙ୍ଗୁଳି ମଠକୁ ମଙ୍ଗଳବାର ପ୍ରଶାସନ ଉଚ୍ଛେଦ କରିଛି । ଶାନ୍ତି ଶୃଙ୍ଖଳା ନେଇ 24 ପ୍ଲାଟୁନ ଫୋର୍ସ ମୁତୟନ କରାଯାଇଥିଲା । ଶାନ୍ତି ଶୃଙ୍ଖଳା ସହ ଏବଂ ଉଛେଦ ପ୍ରକ୍ରିୟା ସହରବାସୀଙ୍କ ସମର୍ଥନକୁ ନେଇ ହୋଇଥିଲା । ଏନେଇ ଜିଲ୍ଲାପାଳ ଧନ୍ୟବାଦ ଦେଇଛନ୍ତି ।
ଶ୍ରୀମନ୍ଦିର ଚାରିପାଖରେ 75 ମିଟର ପର୍ଯ୍ୟନ୍ତ ଥିବା ବିଭିନ୍ନ ଘର, ମଠ, ଲଜିଂ ମଧ୍ୟ ଭଙ୍ଗାଯିବ । ଏହାପରେ ଶ୍ରୀଜଗନ୍ନାଥଙ୍କ ଜମିକୁ ମଧ୍ୟ ଅଧିଗ୍ରହଣ କରାଯିବ । ସେଠାରେ ଉଚ୍ଛେଦ ହୋଇ ଥିବା ମଠକୁ ଥଇଥାନ ନେଇ ଜାଗା ବ୍ୟବସ୍ଥା କରାଯିବ । ସେହିପରି କ୍ଷତିଗ୍ରସ୍ତ ହେଉଥିବା ଦୋକାନୀଙ୍କୁ ଜଗନ୍ନାଥ ବଲ୍ଲବ ମାର୍କେଟ କମ୍ପ୍ଲେକ୍ସ, ପୁରୁଣା ଜେଲରେ ହେବାକୁ ଥିବା କମ୍ପ୍ଲେକ୍ସରେ ଥଇଥାନ କରାଯିବ ।
ସେହିପରି ଘର ଭାଙ୍ଗିବା ପରେ ଉକ୍ତ ପରିବାରକୁ ମଧ୍ୟ ସଠିକ ସ୍ଥାନରେ ଥଇଥାନ କରାଯିବ । ଶ୍ରୀମନ୍ଦିର ନିକଟବର୍ତ୍ତୀ ଅଞ୍ଚଳରେ ଥିବା ଶ୍ରୀଜଗନ୍ନାଥଙ୍କ ଜମିରେ ଘର ଉଚ୍ଛେଦ ହୋଇ ଥିବା ପରିବାରଙ୍କୁ ଜାଗା ସହ ଘର ନିର୍ମାଣ ନେଇ ମଧ୍ୟ ସରକାର ଉପଯୁକ୍ତ ଅର୍ଥ ପ୍ରଦାନ କରିବେ ।
ଏଣୁ ଉଛେଦ ପ୍ରକ୍ରିୟାରେ ସମସ୍ତେ ସହଯୋଗ କରିବାକୁ ପୁରୀ ଜିଲ୍ଲାପାଳ କହିଛନ୍ତି । ପୁରୀରୁ ବିଶ୍ବ ଐତିହ ସହର ଗଢି ତୋଳିବାରେ ତ୍ୟାଗ ଦେଇ ଥିବା ଲୋକଙ୍କୁ ସରକାର ସବୁଠୁ ଭଲ ଥଇଥାନ କରିବା ଦାୟିତ୍ବ ନେଇଥିବା ପୁରୀ ଜିଲ୍ଲାପାଳ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
