ପୁରୀ: ଶ୍ରୀଜଗନ୍ନାଥ ମନ୍ଦିର ପୋଲିସ କର୍ମଚାରୀଙ୍କ ମୃତଦେହ ଉଦ୍ଧାର ହୋଇଛି । ପୁରୀ ସଦର ହୁଲିହୁଳିଆ ପୋଲ ନିକଟ ରେଳଧାରଣା ପାର୍ଶ୍ବରୁ ମୃତଦେହକୁ ଉଦ୍ଧାର କରିଛି ପୋଲିସ । ତେବେ ଏହା ହତ୍ୟା କି ଆତ୍ମହତ୍ୟା ସେ ସମ୍ପର୍କରେ ସ୍ପଷ୍ଟ ହୋଇନାହିଁ ।
ମୃତକ ହେଉଛନ୍ତି କୁମୁଟିପାଟଣାର ପ୍ରଶାନ୍ତ କୁମାର ସାହୁ । ସେ ମାଟିଆ ପୋଷାକ ପିନ୍ଧିଥିଲେ। ଏହାପରେ ସ୍ଥାନୀୟ ଲୋକମାନେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସିଟି DSP ଓ କୁମ୍ଭାରପଡ଼ା ଥାନା IIC ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ହସ୍ପିଟାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ସିଟି DSP, କୁମ୍ଭାରପଡ଼ା ଥାନା IIC ଓ ଜିଆରପି ପୋଲିସ ଘଟଣାର ତଦନ୍ତ କରୁଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
