ପୁରୀ: ହାସ୍ୟ ଅଭିନେତା କପିଳ ଶର୍ମା ଆଜି (ସୋମବାର) ପୁରୀ ଆସି ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ଲାଭ କରିଛନ୍ତି । ପ୍ରଥମ ଥର ପାଇଁ ମହାପ୍ରଭୁଙ୍କ ଦର୍ଶନ ପାଇଥିବାରୁ ସେ ବେଶ ଖୁସି ଥିବା କହିଛନ୍ତି । କପିଳ ଶର୍ମା ଶ୍ରୀମନ୍ଦିର ସିଂହଦ୍ୱାର ନିକଟରେ ପହଞ୍ଚିବା ପରେ ସେବାୟତମାନେ ତାଙ୍କୁ ସ୍ବାଗତ କରିଥିଲେ ।
କପିଳ ମହାପ୍ରଭୁଙ୍କ ଦର୍ଶନ ପରେ ଶ୍ରୀମନ୍ଦିର ବେଢ଼ା ଭିତରେ ବୁଲିବା ସହ ବିଭିନ୍ନ ପାର୍ଶ୍ୱ ଦେବାଦେବୀ ମନ୍ଦିର ଯାଇ ଦର୍ଶନ କରିବା ସହ ପୂଜା କରିଥିଲେ। ସେ ଶ୍ରୀଜୀଉଙ୍କ ଦର୍ଶନ କରି ବେଶ ପ୍ରସନ୍ନ ଅନୁଭବ କରିଥିବା କଥା କହିଛନ୍ତି । ଶ୍ରୀମନ୍ଦିରକୁ କପିଳ ଶର୍ମା ଆସିଥିବା କଥା ଜଣାପଡ଼ିବା ପରେ ତାଙ୍କୁ ଦେଖିବା ପାଇଁ ପ୍ରଶଂସକ ବେଶ ଭିଡ଼ ଜମିଥିଲା ।
କିଛିଦିନ ହେଲା ଓଡ଼ିଶାରେ ରହିଛନ୍ତି କମେଡି କିଙ୍ଗ କପିଲ ଶର୍ମା । ବଲିଉଡ ଫିଲ୍ମ ମେକର ନନ୍ଦିତା ଦାସଙ୍କ ସହ ଏକ ଚଳଚିତ୍ର ସୁଟିଂ କରୁଥିବା କଥା ଜଣା ପଡ଼ିଛି । କିଛି ଦିନପୂର୍ବରୁ ତାଙ୍କୁ ଭୁବନେଶ୍ବର ଏକାମ୍ର କ୍ଷେତ୍ରରେ ଏକ ଫୁଡ ଡେଲିଭେରୀ ବୟ ଗେଟ୍ଅପ୍ରେ ଦେଖିବାକୁ ମିଳିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
