ପୁରୀ: ମୁଖ୍ୟମନ୍ତ୍ରୀଙ୍କ ଗସ୍ତକୁ ବିରୋଧ । ପୁରୀ ଗସ୍ତରେ ଆସୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବା ପାଇଁ ବ୍ୟାପକ ପ୍ରସ୍ତୁତି ସରିଥିବା ବେଳେ ପୁରୀ ଯୁବ କଂଗ୍ରେସ ପକ୍ଷରୁ ମୁଖ୍ୟମନ୍ତ୍ରୀଙ୍କ ପୁରୀ ଗସ୍ତକୁ ବିରୋଧ କରାଯାଇଛି ।
ସୂଚନା ଅନୁଯାୟୀ, ପୁରୀ ଯୁବ କଂଗ୍ରେସ ସଦସ୍ୟମାନେ ବଳଗଣ୍ଡି ଛକରେ ମୁଖ୍ୟମନ୍ତ୍ରୀଙ୍କ ଗସ୍ତକୁ ଜୋରଦାର ବିରୋଧ କରିଛନ୍ତି। ମୁଖ୍ୟମନ୍ତ୍ରୀଙ୍କୁ ଗୋ ବ୍ୟାକ ନାରା ଦେଇଛନ୍ତି। ପୂର୍ବରୁ ଅନେକ ପ୍ରକଳ୍ପ ମୁଖ୍ୟମନ୍ତ୍ରୀ ଶିଳାନ୍ୟାସ କରିଥିଲେ ମଧ୍ୟ ସେଗୁଡିକ ଦୁର୍ନୀତି ଯୋଗୁଁ ବନ୍ଦ ରହିଛି କୌଣସି କାର୍ଯ୍ୟକାରୀ ହୋଇପାରୁନାହିଁ। ଏଣୁ ଲୋକଙ୍କୁ ଭୁଆଁ ବୁଲାଇବା ପାଇଁ ମୁଖ୍ୟମନ୍ତ୍ରୀ ପୁରୀକୁ ପୁଣି ଗସ୍ତ କରିଥିବା ଯୁବ କଂଗ୍ରେସ ଅଭିଯୋଗ କରିଛି। ଏଥି ସହିତ ରାଜ୍ୟର ବିଭିନ୍ନ ସମସ୍ୟା ପ୍ରସଙ୍ଗକୁ ନେଇ ମଧ୍ୟ ପୁରୀ ଯୁବ କଂଗ୍ରେସ ବିରୋଧ କରିଛି। ଅନ୍ୟପଟେ ପୋଲିସ ଯୁବ କଂଗ୍ରେସ କର୍ମକର୍ତ୍ତାଙ୍କୁ ଅଟକ ରଖିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
