ବ୍ରହ୍ମଗିରି: ପୁରୀ ଜିଲ୍ଲା ବ୍ରହ୍ମଗିରିର ଚିତ୍ତରଞ୍ଜନ ମୁତ୍ୟୁ ରହସ୍ୟ ଉନ୍ମୋଚନ ପାଇଁ ତଦନ୍ତ ଭାର କ୍ରାଇମବ୍ରାଞ୍ଚ ନିଜ ହାତକୁ ନେଇଛି । ଗତ ୨ ଦିନ ଧରି ଘଟଣାରେ ଛାନଭିନ ଜାରି ରହିଛି । ସେପଟେ ନ୍ୟାୟ ଦାବିରେ ଶୁକ୍ରବାର ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ରଙ୍କ ନେତୃତ୍ବରେ ବିଜେପି ପକ୍ଷରୁ ବିକ୍ଷୋଭ ସମାବେଶ କରାଯାଇଛି ।
ଏହା ବି ପଢନ୍ତୁ: Chittaranjan Palai Murder Case: କ୍ରାଇମବ୍ରାଞ୍ଚ କରିବ ତଦନ୍ତ
ଅଲାରନାଥ ମନ୍ଦିର ନିକଟରୁ ଶତାଧିକ ମହିଳା ଓ ପୁରୁଷ କର୍ମୀମାନେ ଏକ ରାଲି କରି ବସଷ୍ଟାଣ୍ଡ ଠାରେ ଏକ ସଭାର ଆୟୋଜନ କରିଥିଲେ । ମୃତ ଚିତ୍ତକୁ ଉଚିତ ନ୍ୟାୟ ଦେବା ସହିତ ସଞ୍ଜୟ ଦାସବର୍ମାଙ୍କ ଇସ୍ତାଫା ଦାବି କରିଥିଲେ। ଏହାସହିତ କ୍ରାଇମବ୍ରାଞ୍ଚ ସରକାରଙ୍କ ଇଙ୍ଗିତରେ କାର୍ଯ୍ୟ କରୁଛି ଏହାକୁ ହଟାଯାଇ CBI ତଦନ୍ତ ପାଇଁ ସେମାନେ ଦାବି କରିଛନ୍ତି ।
ଏହି ବିକ୍ଷୋଭରେ ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ, ପୁରୀ ବିଜେପି ସଭାପତି ଆଶ୍ରିତ ପଟ୍ଟନାୟକ ପ୍ରମୁଖ ସାମିଲ ହୋଇଥିଲେ । ତୁରନ୍ତ ସଞ୍ଜୟ ଦାସ ବର୍ମା ଇସ୍ତଫା ଦେବା ସହିତ ଏହି ମାମଲାର ତଦନ୍ତ ଭାର ସିବିଆକୁ ଦେବା ପାଇଁ ସେମାନେ ଦାବି କରିଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
