କଟକ: ଲାଲବାଗ ଥାନା ସୂତାହାଟ ଖ୍ରୀଷ୍ଟିଆନ ସାହିରେ ବଡ ଅଘଟଣ ଘଟିଛି । ଅଗ୍ନିକାଣ୍ଡରେ ଘର ଭିତରେ ଜଣେ ଯୁବତୀ ଜୀବନ୍ତ ଦଗ୍ଧ ହୋଇ ଯାଇଛନ୍ତି । ମୃତ ଯୁବତୀ ଜଣକ ହେଲେ ସାଜିଦ ଅଲ୍ଲୀଙ୍କ 22 ବର୍ଷୀୟ ଝିଅ ଲତିଫା ଶେଖ୍ ବୋଲି ଜଣା ପଡ଼ିଛି । ବାପାମାଆ ଘରେ ନଥିବା ବେଳେ ଘରେ କୌଣସିମତେ ନିଆଁ ଲାଗି ଯାଇଥିଲା । କେଉଁ କାରଣରୁ ଅଗ୍ନିକାଣ୍ଡ ଘଟିଳା କାରଣ ଅସ୍ପଷ୍ଟ ରହିଛି ।
ଅଗ୍ନିକାଣ୍ଡରେ ଯୁବତୀ ଜୀବନ୍ତ ଦଗ୍ଧ
ଗ୍ୟାସ ସିଲିଣ୍ଡରରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି । ଖବର ପାଇ ଦମକଳ ବାହିନୀ ପୋଲିସ ପହଞ୍ଚି ନିଆଁକୁ ଆୟତ୍ତ କରିଥିଲା । ଘଟଟି ହୁତୁ ହୁତୁ ହୋଇ ଜଳୁଥିଲା । ସଙ୍କଟାପନ୍ନ ଅବସ୍ଥାରେ ଯୁବତୀଙ୍କୁ ଉଦ୍ଧାର କରି ମେଡିକାଲ ନିଆଯାଇଥିଲା । ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଛି । ବ୍ୟବଚ୍ଛେଦ ପାଇଁ ପୋଲିସ ମୃତଦେହକୁ SCB ମେଡିକାଲକୁ ପଠାଇଛି ।
ଇଟିଭି ଭାରତ, କଟକ
