କଟକ: ଓଡିଆ କ୍ରିକେଟ ଆସୋସିଏସନର ମୁଖ୍ୟ କୋଚ୍ ଓ୍ବାସିମ୍ ଜାଫର (Wasim Jaffer) କୋଚ୍ ପଦ ଛାଡିବା ନେଇ ଚର୍ଚ୍ଚା । ବାଂଲାଦେଶର ୧୯ବର୍ଷରୁ କମ୍ ଟିମର କୋଚ୍ ପଦ ପାଇଁ ରେସରେ ଅଛନ୍ତି ଜାଫର୍ । ହେଲେ ଏ ନେଇ କୌଣସି ବିଦ୍ଧିବଧ ଭାବରେ ସୂଚନା ମିଳିନାହିଁ । ଯଦି ବାଂଲାଦେଶ ଟିମର କୋଚ୍(Coach) ପାଇଁ ତାଙ୍କୁ ଚୟନ କରାଯାଏ, ତେବେ ସେ ଓଡିଶା ଟିମର କୋଚ୍ ପଦ ଛାଡିବା ଏକ ପ୍ରକାର ନିଶ୍ଚିତ ବୋଲି କହିଛନ୍ତି OCA ସମ୍ପାଦକ ସଞ୍ଜୟ ବେହେରା ।
ପୂର୍ବରୁ ମଧ୍ୟ ଜାଫର ବାଂଲାଦେଶ କ୍ରିକେଟ ବୋର୍ଡ ସହିତ କାର୍ଯ୍ୟ କରିସାରିଛନ୍ତି । ଅନ୍ତର୍ଜାତୀୟ ସ୍ତରରେ କୋଚ୍ ଅଫର ପାଇଲେ ଜାଫର୍ ପଦ ଛାଡିପାରନ୍ତି । କିନ୍ତୁ ଏ ନେଇ ତାଙ୍କ ପାଖରେ କୌଣସି ଆନୁଷ୍ଠାନିକ ଖବର ନଥିବା ଓସିଏ ସମ୍ପାଦକ କହିଛନ୍ତି । ୨୦୨୧ ଜୁଲାଇ ୨୩ତାରିଖରେ ଜାଫର୍ ଓଡିଶା କ୍ରିକେଟ ଟିମର ମୁଖ୍ୟ କୋଚ୍ ଭାବେ ଦାୟିତ୍ବ ଗ୍ରହଣ କରିଥିଲେ । ଦୁଇ ବର୍ଷ ପାଇଁ OCA ସହ ଅନୁବନ୍ଧିତ ହୋଇଥିଲେ ଜାଫର ।
ଫଳରେ ତାଙ୍କର କାର୍ଯ୍ୟକାଳ ଆହୁରି ଗୋଟିଏ ବର୍ଷ ବାକି ଅଛି । ଜାଫରଙ୍କଠାରୁ ଏ ନେଇ ବିଧିବଦ୍ଧ ସୂଚନା ପାଇବା ପରେ ଓଡିଶା ଟିମର ପରବର୍ତ୍ତି କୋଚ୍ ଚୟନ ପାଇଁ ପଦକ୍ଷେପ ନିଆଯିବ ବୋଲି ଓସିଏ ପକ୍ଷରୁ କୁହାଯାଇଛି ।
ଇଟିଭି ଭାରତ, କଟକ
