କଟକ: ସିଲଭରସିଟିରେ ଆସୁଛି ଗୋଳିଆ ପାଣି । ୱାର୍ଡ ନମ୍ବର 18 ବାଉଁଶ ଗଳିରେ ଏପରି ଦୃଶ୍ୟ ଦେଖିବାକୁ ମିଳିଛି । ଫଳରେ ଗୋଳିଆ ପାଣି ପିଇବା ଓ ଅନ୍ୟାନ୍ୟ କାର୍ଯ୍ୟ ପାଇଁ ପାଣି ବ୍ୟବହାର କରିବାକୁ ଲୋକେ ଚିନ୍ତାରେ ।
ଗତ ସପ୍ତାହ ଧରି ଏହି ଗୋଳି ପାଣି ୱାର୍ଡର ପ୍ରାୟ ସମସ୍ତ ଘରେ ଦେଖିବାକୁ ମିଳୁଛି । ଯାହାକୁ ନେଇ ଚିନ୍ତାରେ ପଡିଛନ୍ତି ୱାର୍ଡ ବାସିନ୍ଦା । ନାଲି ରଙ୍ଗର ଗୋଳିଆ ପାଣି ବ୍ୟବହାର କଲେ ଦେହ କୁଣ୍ଡାଇ ହେଉଥିବା କହିଛନ୍ତି ଲୋକେ । ଏଥିସହ ଜଣ୍ଡିସ ହେବାର ଭୟ ମଧ୍ୟ ରହିଛି ।
ଏନେଇ ବିଭାଗୀୟ ଅଧିକାରୀଙ୍କୁ ସ୍ଥାନୀୟ ବାସିନ୍ଦା ଅଭିଯୋଗ କରିଥିଲେ ମଧ୍ୟ ଏଥି ପ୍ରତି କର୍ଣ୍ଣପାତ କରିନି ପ୍ରଶାସନ । ପାଣି ସମସ୍ୟାର ସମାଧାନ ପାଇଁ କୌଣସି ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ନିଆଯାଇନଥିବା କହିଛନ୍ତି ସ୍ଥାନୀୟ ବାସିନ୍ଦା । ୱାର୍ଡର ପ୍ରାୟ ସମସ୍ତଙ୍କ ଘରେ ଏହି ସମାନ ସମସ୍ୟା । ଦୀର୍ଘ ଦିନ ଧରି ଏହି ସମସ୍ୟାର ସମାଧାନ କରାଯାଉନଥିବାରୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି କଟକ ବାସିନ୍ଦା ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
