କଟକ: ଆସନ୍ତା ନଭେମ୍ବର 2 ତାରିଖରୁ ସିଲଭର ସିଟିରେ ଆରମ୍ଭ ହେବ ସେରୋ ସର୍ଭେ। ଏଥିପାଇଁ ସିଏମସି ପକ୍ଷରୁ ସମସ୍ତ ପ୍ରକାର ପ୍ରସ୍ତୁତ ଶେଷ ହୋଇଥିବା ବେଳେ ଆଜି(ବୁଧବାର) ସମସ୍ତ ଅଫିସରଙ୍କୁ ଏନେଇ ତାଲିମ ପ୍ରଦାନ କରାଯାଇଛି।
25 ଟି ୱାର୍ଡରେ ଏହି ସର୍ଭେ କରାଯିବ । ଆରଏମସି ସେଣ୍ଟରରୁ 5 ଜଣ , ସିଏମସି ଓ ବିଏମସିର ମିଳିତ ସହଯୋଗରେ ଏହି ସର୍ଭେ କରାଯିବ। ଆସନ୍ତା 2 ତାରିଖରୁ ଏହା ଆରମ୍ଭ କରାଯାଇ 5 ତାରିଖ ପର୍ଯ୍ୟନ୍ତ ଚାଲିବ। ସକାଳ 8 ଟାରୁ ଅପରାହ୍ନ 5 ଟା ପର୍ଯ୍ୟନ୍ତ ସହରର ବିଭିନ୍ନ ଅଞ୍ଚଳରୁ ନମୁନା ସଂଗ୍ରହ କରାଯିବ।
ସିଏମସି କମିଶନର ଅନନ୍ୟା ଦାଶ
ପ୍ରତ୍ୟେକ ୱାର୍ଡର ଆଶାକର୍ମୀ ଓ ଏଏନଏମ ମଧ୍ୟ ସର୍ଭେ ଟିମକୁ ସହଯୋଗ କରିବେ। ତେବେ 18 ବର୍ଷରୁ କମ ଶିଶୁ ଓ ଗର୍ଭବତୀ ମହିଳାଙ୍କୁ ଏହି ପ୍ରକ୍ରିୟାରୁ ବାଦ ଦିଆଯିବ ବୋଲି ସିଏମସି କମିଶନର ସୂଚନା ଦେଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
