କଟକ: ଜଳ ସମ୍ପଦ ସଚିବଙ୍କୁ ସ୍ୟାଟର ଛାଟ । ସ୍ୟାଟ୍ ଆଦେଶ କାର୍ଯ୍ୟକାରୀରେ ଅବହେଳା ହୋଇଥିବା ଜଣାପଡିଛି । ଏଥିପାଇଁ ଆଦେଶ କାର୍ଯ୍ୟକାରୀ କରାଉଥିବା ଜଳ ସମ୍ପଦ ବିଭାଗର ମୁଖ୍ୟ ସଚିବ ଓ ମୁଖ୍ୟ ଯନ୍ତ୍ରୀଙ୍କ ନାଁରେ ଗିରଫ ପରଓ୍ବାନା ଜାରି ହୋଇଛି । ନିର୍ଦ୍ଦେଶ କାର୍ଯ୍ୟକାରୀ କରିବାକୁ କମିଶନରେଟ ପୋଲିସକୁ ନିର୍ଦ୍ଦେଶ ଦେଇଛି ସ୍ୟାଟ୍ ।
ଦୁଇ ଅଧିକାରୀ ପ୍ରଦୀପ ଜେନା ଓ ଯନ୍ତ୍ରୀ ସରୋଜ ପଟ୍ଟନାୟକ ଆଦେଶ ଉଲ୍ଲଂଘନ କରି ସଚିବଙ୍କୁ ନିଯୁକ୍ତି କରାଇଥିବା ଅଭିଯୋଗ ହୋଇଥିଲା । କ୍ଷୁଦ୍ର ଜଳସେଚନ କ୍ୟାଡର୍ର ଯୋଗ୍ୟ ଯନ୍ତ୍ରୀମାନଙ୍କୁ ଉପେକ୍ଷା କରାଯାଇଥିବା ଅଭିଯୋଗ ହୋଇଥିଲା । ଏମିତିକି ତାଙ୍କ ପାଇଁ ଉଦ୍ଦିଷ୍ଟ ପଦବୀରେ ଅନ୍ୟ ମାନଙ୍କୁ ନିଯୁକ୍ତି ଦିଆଯାଇଥିଲା । ଯାହାକୁ ନେଇ ସ୍ୟାଟଙ୍କ ଦ୍ବାରସ୍ଥ ହୋଇଥିଲେ ଉପେକ୍ଷିତ ଅଧିକାରୀ ।
୫ ହଜାର ଟଙ୍କା ବଣ୍ଡ ବିନିମୟରେ ଜାମିନ ଯୋଗ୍ୟ ଗିରଫ ପରୱାନା ଜାରି କରିଛନ୍ତି ସ୍ୟାଟ୍। ଆସନ୍ତା ୭ ତାରିଖରେ ସ୍ୟାଟରେ ହାଜର ହେବାକୁ ଉଭୟଙ୍କୁ ନିର୍ଦ୍ଧେଶ ଦେଇଛନ୍ତି ସ୍ୟାଟ୍। ତେବେ ମୁଖ୍ୟଯନ୍ତ୍ରୀଙ୍କ ଦରମା ଜାନୁଆରୀରୁ ବନ୍ଦ କରିବାକୁ ସ୍ୟାଟ୍ ନିର୍ଦ୍ଧେଶ ଦେଇଛନ୍ତି । ସ୍ୟାଟ୍ କାର୍ଯ୍ୟକାରୀ ଅଧ୍ୟକ୍ଷ ଏମ୍.ଏମ୍. ପ୍ରହରାଜ ଓ ବିଚାର ବିଭାଗୀୟ ସଦସ୍ୟ ଜି.ଆର୍. ପୁରୋହିତଙ୍କୁ ନେଇ ଗଠିତ ଖଣ୍ଡପୀଠ ଯାମିନୀକାନ୍ତ ଦାସଙ୍କ ଆବେଦନର ଶୁଣାଣି କରି ଏପରି ନିର୍ଦ୍ଦେଶ ଦେଇଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
