କଟକ: ଘରୋଇ ଯାତ୍ରୀବାହୀ ବସ ଉପରେ ୨ ଲକ୍ଷ ୮୦ ହଜାର ୫୦୦ ଟଙ୍କା ଫାଇନ । ବିନା ପରମିଟରେ ଚାଲୁଥିଲା ବସ । ଦୀର୍ଘ ଦିନ ଧରି ପୈଠ ହୋଇନଥିଲା ଟ୍ୟାକ୍ସ (Bus operate without paying TAX) । ପ୍ରାୟ ୩ ମାସର ୯୦ ହଜାର ଟଙ୍କାର ଟ୍ୟାକ୍ସ ବି ଦେଇପାରିନଥିଲା । ଟାଙ୍ଗୀ ଟୋଲ ଗେଟ ରେ ଚାଲାଣ କାଟିଲା କଟକ ଆରଟିଓ (RTO)।
ଏହା ବି ପଢନ୍ତୁ- ୱେବ ଚାନେଲ ସାମ୍ବାଦିକଙ୍କୁ ଚପଲରେ ମାରିଲେ ମହିଳା
କଟକ ଆରଟିଓଙ୍କ ସୂଚନା ଅନୁସାରେ, "ଉକ୍ତ ବସଟିର ୫ ବର୍ଷିଆ ଅଲଇଣ୍ଡିଆ ଟୁରିଷ୍ଟ ପରମିଟ ରହିଥିଲା । ମାତ୍ର ସେ ପାସେଞ୍ଜର ନେଇ ଭୁବନେଶ୍ବରରୁ କୋଲକାତା ଯାଉଥିଲା । ଜବତ ହେବା ସମୟରେ ଟିକେଟ ସହ ୪୦ ଜଣ ପାସେଞ୍ଜର ମଧ୍ୟ ଉକ୍ତ ବସରେ ଯାତ୍ରା କରୁଥିଲେ । ଯାହାକି ସମ୍ପୂର୍ଣ୍ଣ ବେଆଇନ । ଜବତ ସମୟରେ ସେ ପ୍ରାୟ ୩ ମାସର ଟିକସ ଫାଙ୍କି ଥିବା ଜଣାପଡିଥିଲା । ଏଥିପାଇଁ ଉକ୍ତ ବସ୍କୁ ୨ ଲକ୍ଷ ୮୦ ହଜାର ୫ ଶହ ଟଙ୍କା ଫାଇନ କରାଯାଇଛି ।"
ସେହି ଫାଇନ ରାଶି ଦେଇ ନପାରିବାରୁ ବସ୍ଟିକୁ ଜବତ କରାଯାଇଛି । ତେବେ ଏହିପରି ଚଳିତ ମାସରେ ୪ଟି ଗାଡି଼ ଉପରେ କାର୍ଯ୍ୟାନୁଷ୍ଠାନ ନିଆଯାଇଥିବା କଟକ ଆରଟିଓ ସଞ୍ଜୟ ବେହେରା କହିଛନ୍ତି ।
ଇଟିଭି ଭାରତ, କଟକ
