କଟକ: ରାଜ୍ୟରେ ହେବାକୁ ଥିବା ଦୁଇଟି ଉପନିର୍ବାଚନ ବିଜେପି ଜିତିବ। ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ବାଲେଶ୍ଵରରେ ବିଜେପି ଭଲ ସ୍ଥିତିରେ ରହିଥିବା ବେଳେ ତିର୍ତ୍ତୋଲ ଶେଷ ନିର୍ବାଚନରେ ୫୪ ହଜାର ଭୋଟ ପାଇଥିଲା ବିଜେପି । ସେହିପରି ରାଜ୍ୟ ସରକାର ଅନେକ ଦୁର୍ନୀତିରେ ଛନ୍ଦି ହୋଇପଡିଛନ୍ତି । ଯାହାକି ଲୋକ ମାନେ ବୁଝି ସାରିଲେଣି ବୋଲି କହିଛନ୍ତି କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀ ।
ପ୍ରତାପ ଷଡଙ୍ଗୀଙ୍କ ଦୃଢୋକ୍ତି, ଦୁଇଟି ଉପନିର୍ବାଚନ ଜିତିବ ବିଜେପି
ସେ ପୁଣି କହିଛନ୍ତି, ଦଳ ଯେଉଁମାନଙ୍କୁ ପାର୍ଥୀ କରିଛି ସେମାନଙ୍କ ଭଲ ଭାବମୂର୍ତ୍ତି ସାଙ୍ଗକୁ ସେମାନଙ୍କ ସଙ୍ଗଠନ ବି ରହିଛି । ତୃଣମୂଳ ସ୍ତରରେ ବିଜେପିର ଭଲ ସଙ୍ଗଠନ ରହିଛି । ତେବେ କେନ୍ଦ୍ର ସରକାର ବିକାଶକୁ ନେଇ ଲୋକଙ୍କୁ ସଚେତନ କରିବ ବିଜେପି । ଏହି ସବୁ ଦୃଷ୍ଟିରୁ ୨ ଟି ଉପନିର୍ବାଚନରେ ବିଜେପି ଜିତିବ ବୋଲି କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ କହିଛନ୍ତି।
କଟକରୁ ନାରାୟଣ ସାହୁ, ଇଟିଭି ଭାରତ
