କଟକ: ପରମିନ୍ଦର ସିଂ ଆକ୍ରମଣ ଘଟଣାରେ ଡିଜିଙ୍କୁ ଭେଟିଲା ଓଡିଶା ଯୁବ ସ୍ବାଭିମାନ ମଞ୍ଚ । ଆକ୍ରମଣକାରୀଙ୍କ ବିରୁଦ୍ଧରେ ପୁନଃବିଚାର ଓ ଗିରଫ ଦାବି ନେଇ ଡିଜିଙ୍କ ସହ ଆଲୋଚନା ଓ ଦାବି ପତ୍ର ପ୍ରଦାନ କଲା ମଞ୍ଚ ।
ପରମିନ୍ଦରଙ୍କୁ ନ୍ୟାୟ ମିଳୁ: ଓଡିଶା ଯୁବ ସ୍ୱାଭିମାନ ମଞ୍ଚ
ତେବେ ଟୁଇନ ସିଟିରେ କମିଶନରେଟ ଆଇନ ଶୃଙ୍ଖଳା ସ୍ଥିତି ସଠିକ୍ ଥିବା ନେଇ କହୁଥିଲା ବେଳେ ପରମିନ୍ଦରଙ୍କ ଉପରେ ଆକ୍ରମଣ ସ୍ପଷ୍ଟ କରୁଛି କେତେ ଦୂର କମିଶନରେଟ ପୋଲିସ ତାର କର୍ତ୍ତବ୍ୟ ପାଳନ କରୁଛି ବୋଲି ଅଭିଯୋଗ କରିଛି ମଞ୍ଚ ।
ତେବେ ଆଗାମୀ ଦିନରେ ଆକ୍ରମଣକାରୀଙ୍କ ବିରୁଦ୍ଧରେ ପୁନଃବିଚାର ଓ ଗିରଫ ନ କରାଗଲେ ଡିଜି କାର୍ଯ୍ୟାଳୟ ସାମ୍ନାରେ ଧାରଣା ଦିଆଯିବା ନେଇ ଚେତାବନୀ ଦେଇଛି ମଞ୍ଚ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
