କଟକ: କମିଶନରେଟ ପୋଲିସ କବଜାରେ ଗଞ୍ଜେଇ ମାଫିଆ । ଦୁଇ ଜଣ ଗଞ୍ଜେଇ ବ୍ୟବସାୟୀଙ୍କୁ ଗିରଫ କରିଛି ବାଦାମବାଡ଼ି ଥାନା ପୋଲିସ । ଏମାନଙ୍କ ନିକଟରୁ ନଗଦ ୭୫ ଲକ୍ଷ ଟଙ୍କା ସହ ୨୦ କେଜି ଗଞ୍ଜେଇ, ସୁନା ଅଳଙ୍କାର, ଦୁଇଟି ମୋବାଇଲ ଜବତ କରାଯାଇଛି । ସ୍ପେଶାଲ ସ୍କ୍ବାର୍ଡ ଓ ବାଦାମବାଡ଼ି ଥାନା ପୋଲିସର ମିଳିତ ଚଢାଉରେ ଏହି ମାଫିଆଙ୍କୁ ଗିରଫ କରାଯାଇଛି ।
ଏମାନଙ୍କ ପରିଚୟ ନାରାୟଣ ପତି ଓରଫ ବିବୁ ଓ ସହଯୋଗୀ ଅବକାଶ ସ୍ଵାଇଁ ବୋଲି ଜଣାପଡିଛି । ଏମାନଙ୍କ ନିକଟରୁ ନଗଦ ୭୫ ଲକ୍ଷ ଟଙ୍କା ସହ ୨୦ କେଜି ଗଞ୍ଜେଇ, ସୁନା ଅଳଙ୍କାର, ଦୁଇଟି ମୋବାଇଲ ଜବତ କରାଯାଇଛି। କଟକ ସହରରେ ଗଞ୍ଜେଇ ବ୍ୟାପାର କରିଥିବା ସମୟରେ ସ୍ପେଶାଲ ସ୍କ୍ବାର୍ଡ ଓ ବାଦାମବାଡ଼ି ଥାନା ପୋଲିସ ମିଳିତ ଭାବେ ଚଢ଼ାଉ କରିଥିଲେ। ୪୨ ମୌଜା ସ୍ଥିତ ଘରେ ଚଢ଼ାଉ କରାଯାଇ ନଗଦ ଟଙ୍କା ସହ ଗଞ୍ଜେଇ ଜବତ କରିଥିଲା ପୋଲିସ ।
ନାରାୟଣ ବିରୋଧରେ ୨୦୦୫ ରୁ କଟକ ସହରର ବିଭିନ୍ନ ଥାନାରେ NDPS ଆକ୍ଟରେ ମାମଲା ଥିଲା । ଏଥିରେ ଆଉ କାହାର କାହାର ସଂପୃକ୍ତି ରହିଛି ସେ ନେଇ ତଦନ୍ତ କରୁଛି କଟକ କମିଶନରେଟ ପୋଲିସ । ନାରାୟଣ ପତି ନାଁରେ ରହିଛି 6 ଟି ମାମଲା । ଏହାସହ ସମ୍ପତ୍ତି ବ୍ୟାଜାପ୍ତି ପାଇଁ EDକୁ ସୂଚନା ଦେବ ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
