କଟକ: ଆଉ ଦିନ କେଇଟା ପରେ ଆରମ୍ଭ ହେବ ଐତିହାସିକ ବାଲିଯାତ୍ରା । ଯାହାକୁ ନେଇ ଜିଲ୍ଲା ପ୍ରଶାସନ ତ୍ବରିତ ଢ଼ଙ୍ଗରେ ସମସ୍ତ କାମ ସମ୍ପାଦନ କରି ଚାଲିଛି । ତେବେ ଚଳିତବର୍ଷ ପ୍ରଥମକରି ମହାନଦୀରେ ଡ଼ଙ୍ଗା ଯୋଡ଼ା ହୋଇ ଏକ ଷ୍ଟେଜର କଳ୍ପନା କରିଛି ଜିଲ୍ଲା ପ୍ରଶାସନ । ଯେଉଁଥିରେ କେବଳ ସାଂସ୍କୃତିକ କାର୍ଯ୍ୟକ୍ରମ ହେବ ।
ଏହି ଯୋଜନା ହେବାର କାରଣ ମହାନଦୀର ପ୍ରକୃତ ଅର୍ଥ ବୁଝିବେ ଦର୍ଶକ। କାରଣ ପ୍ରତିବର୍ଷ ମହାନଦୀକୁ ପଛ କରି ବାଲିଯାତ୍ରା ତାର ସୁରୁଖୁରୁରେ ସମ୍ପାଦନ ହୁଏ । ତେବେ ଚଳିତବର୍ଷ ଏହି ପ୍ରସଙ୍ଗ ଯୋଡ଼ା ହେବା ପରେ ଦର୍ଶକ ସଂଖ୍ୟା ବୃଦ୍ଧି ପାଇବ ବୋଲି ଆଶା ରଖିଛନ୍ତି ଜିଲ୍ଲାପାଳ ଭବାନୀ ଶଙ୍କର ଚୟିନୀ।
ତେବେ ସମୁଦାୟ 4ଟି ଷ୍ଟେଜର ନିର୍ମାଣ ହେବ। ସେଥିରୁ ଗୋଟିଏ ମହାନଦୀ ଗର୍ଭରେ ରହିବ । ଦୁଇଟି ଡ଼ଙ୍ଗା ଯୋଡ଼ା ହୋଇ ଏକ ଷ୍ଟେଜ ନିର୍ମାଣ ହେବ ଆଉ ଯେଉଁଥିରେ କେବଳ ସାଂସ୍କୃତିକ କାର୍ଯ୍ୟକ୍ରମ ହେବ। ଯାହାଦ୍ବାରା ଦର୍ଶକ ଆନନ୍ଦିତ ହେବେ ଓ ମହାନଦୀର ମଧ୍ୟ ଗୁରୁତ୍ବ ବଢିବ । ତେବେ ଏହି ପ୍ରସଙ୍ଗକୁ ଦର୍ଶକ ଗ୍ରହଣ କରିବେ ବୋଲି ଜିଲ୍ଲାପାଳ ପ୍ରକାଶ କରିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
