କଟକ: ଓଡିଶା କ୍ରିକେଟ ଆସୋସିଏସନରେ ଗଠନ ହେଲା 7 ଗୁରୁତ୍ବପୂର୍ଣ୍ଣ କମିଟି । ଏହି କମିଟିର ଗଠନ କରିଛନ୍ତି ଉଭୟ ଓସିଏ ସମ୍ପାଦକ ସଞ୍ଜୟ ବେହେରା ଓ ସଭାପତି ପଙ୍କଜ ଲୋଚନ ମହାନ୍ତି ।
ଗତବର୍ଷ ଡିସେମ୍ବର 29ରେ ଓସିଏରେ ଅନୁଷ୍ଠିତ ହୋଇଥିବା ସାଧାରଣ ପରିଷଦ ବୈଠକରେ ହୋଇଥିବା ଚୂଡାନ୍ତ ନିଷ୍ପତି ଅନୁଯାୟୀ ବୁଧବାର ଏହି କମିଟିର ଗଠନ କରାଯାଇଛି । ତେବେ ଗଠନ ହୋଇଥିବା ସମସ୍ତ କମିଟି ମଧ୍ୟରେ ଫାଇନାନ୍ସ କମିଟି ବେଶ ଗୁରୁତ୍ବପୂର୍ଣ୍ଣ ରହିଛି । ଏହାଛଡା ଟୁର୍ଣ୍ଣାମେଣ୍ଟ କମିଟି, ସମ୍ବିଧାନ ଓ ଅନୁବନ୍ଧନ କମିଟି, ଶୃଙ୍ଖଳା କମିଟି, ବର୍ଷ ସୂଚୀ , ଖେଳ ସୂଚୀ , ମଧ୍ୟସ୍ଥତା କମିଟି ଇତ୍ୟାଦିରେ 5ଟି ଲେଖାଁଏ ସଦସ୍ୟ ରହିଛନ୍ତି ।
ସେହିଭଳି କ୍ରିକେଟ ପରାମର୍ଶଦାତା କମିଟିରେ 3 ଜଣ ସଦସ୍ୟ ରହିଛନ୍ତି । ସେମାନଙ୍କ ମଧ୍ୟରେ ଆଗରେ ରହିଛନ୍ତି କିଶୋର ମାଣିଆ । ଏହାଛଡା ଏକମାତ୍ର କ୍ୟୁରେଟର କମିଟି ଭାବରେ ରହିଛନ୍ତି ପଙ୍କଜ ପଟ୍ଟନାୟକ । ତେବେ ସମ୍ପାଦକ, ସଭାପତି ଓ କୋଷାଧ୍ୟକ୍ଷ ଫାଇନାନ୍ସ କମିଟିର ଏକ୍ସ ଅଫିସିଓ ଭାବରେ ରହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
