କଟକ: ରେଳ ଟ୍ରାକରେ ବିଭିନ୍ନ ସମୟରେ ମରାମତିର ଆବଶ୍ୟକତା ଥିବା ବେଳେ କର୍ମଚାରୀମାନଙ୍କୁ ଏଥିପାଇଁ ଚାଲି ଚାଲି ସେହି ସ୍ଥାନକୁ ଯିବାକୁ ପଡିଥାଏ । ଏହା ବ୍ୟତୀତ ମରାମତି କାର୍ଯ୍ୟ ପାଇଁ ଟ୍ରେନ ଚଳାଚଳରେ ମଧ୍ୟ ଅନେକ ସମୟରେ ବାଧା ସୃଷ୍ଟି ହୋଇଥିବା ଦେଖିବାକୁ ମିଳେ । ଏମିତିରେ ଟ୍ରାକରେ କାମ କରୁଥିବା କର୍ମଚାରୀମାନଙ୍କ କଷ୍ଟ ଦୂର କରିବା ପାଇଁ ଏପରି ଅଭିନବ ଉପାୟର ଚିନ୍ତା କରିଛି ରେଳ ବିଭାଗ ।
ଏହାଦ୍ବାରା କର୍ମଚାରୀଙ୍କ ଆଉ ପାଦରେ ଚାଲି ଟ୍ରାକ ମରାମତି ପାଇଁ ଯିବାକୁ ପଡିବ ନାହିଁ । କିମ୍ବା ରେଳ ଛାଡିବା ପୂର୍ବରୁ ଟ୍ରାକ ଚେକିଂ ପାଇଁ ମଧ୍ୟ କଷ୍ଟ କରିବାକୁ ପଡିବ ନାହିଁ । ଏବେ ସାଇକେଲର ବ୍ୟବହାର କରି କର୍ମଚାରୀମାନେ କମ ସମୟରେ ମରାମତି କାର୍ଯ୍ୟ ତ୍ବରିତ ଭାବେ କରିପାରିବେ । ତେବେ ଏହି ପ୍ରକ୍ରିୟା ବୁଧବାରଠାରୁ କଟକ ରେଳ ଷ୍ଟେସନରେ ଆରମ୍ଭ ହୋଇଛି । ଯାହାକୁ ନେଇ ଟ୍ରାକ କର୍ମଚାରୀ ଖୁସି ବ୍ୟକ୍ତ କରିଛନ୍ତି ।
ପୂର୍ବରୁ ପାଦରେ ଚାଲି ଚାଲି ମରାମତି ପାଇଁ ଅନେକ ବାଟ ଯିବାକୁ ପଡୁଥିଲା । କିନ୍ତୁ ଏବେ ସେ ଦୁଃଖ ଆଉ ନାହିଁ ସାଇକେଲରେ ସିଧା ଯାଇକି ଯେଉଁଟି ବି ତ୍ରୁଟି ଥିବ ତାକୁ ସଙ୍ଗେ ସଙ୍ଗେ ମରାମତି କରିହେବ ବୋଲି କହିଛନ୍ତି ଟ୍ରାକ ମରାମତି କରୁଥିବା କର୍ମଚାରୀ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
