କଟକ: ରାସ୍ତା ଉପରେ ଅମାନିଆଙ୍କ ରାଜ । ଫାଇନ ଗଣି ଗଣି ପୋଲିସ ବେଦମ । ହେଲେ ଅମାନିଆ ବାବୁ ମାନେ ଯଦିରେ ଅଟଳ । ଫାଇନ ଦେବୁ ପଛେ ରାସ୍ତାରେ କାଟିବୁ ଚକର ।
ତେବେ ଆଜି କଟକର ବିଭିନ୍ନ ଚେକିଂ ଓ ବ୍ଳକିଙ୍ଗ ସ୍ଥାନ ରେ ଶତାଧିକ ଗାଡି ଚାଳକ ଗଣିଛନ୍ତି ତଣ୍ଡ । ଗୋଟେ ପଟେ ସାମଜିକ ଦୂରତ୍ୱକୁ ଆଖିଠାର ତ ଅନ୍ୟପଟେ ମାସ୍କ ନପିନ୍ଧି ବଜାରକୁ ଆସିବା । ତେବେ ମଙ୍ଗଳବାର ମୋଟ 298 ଜଣ ମାସ୍କ ନପିନ୍ଧି ଗଣିଛନ୍ତି ଫାଇନ । ସେହିପରି ସାମଜିକ ଦୂରତ୍ୱ କଟକଣାକୁ ଉଲଙ୍ଘନ କରି 258 ଜଣ ଗଣିଛନ୍ତି ମୋଟା ଅଙ୍କର ଫାଇନ । ତେବେ ଲକଡାଉନର ସମାନ୍ୟ କୋହଳ ପରେ ବି ସମାନ ଦୃଶ୍ୟ ନଜର ଆସୁଛି । ଯାହାର ଫାଇଦା ନଉଛନ୍ତି ଅଭ୍ୟାସଗତ ଅମାନିଆ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
