କଟକ: ବାଦାମ ବାଡ଼ି ଛକରେ ଥିବା ଭର୍ତ୍ତିଆ ଟାୱରରେ ଭୟାବହ ଅଗ୍ନିକାଣ୍ଡ (Fire breaks out at Bhartia tower ) । ୬ ମହଲାରେ ଲାଗିଛି ନିଆଁ । କାରଣ ଅସ୍ପଷ୍ଟ । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛି (Fire breaks out at Bhartia tower in Cuttack ) ।
ତେବେ କେଉଁ କାରଣରୁ ନିଆଁ ଲାଗିଥିଲା ତାହା ଏଯାବତ ଜଣା ପଡିନି । ଏହି ଅଗ୍ନିକାଣ୍ଡ ସନ୍ଧ୍ୟା ସମୟରେ ଘଟିଥିଲା । ଖବରପାଇ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଜଣାଇଥିଲେ । ତେବେ ସମୟ ଥାଇ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାରେ ସଫଳ ହୋଇଛନ୍ତି ଅଗ୍ନିଶମ ବାହିନୀ । ଏହି ଘଟଣାରେ କେହି ମୃତାହତ ହୋଇନଥିବା କହିଛନ୍ତି ଅଗ୍ନିଶମ ବିଭାଗ ଅଧିକାରୀ । ଏହାସହ ଏହି ଅଗ୍ନିକାଣ୍ଡ ମଧ୍ୟରେ ବ୍ୟାପକ ଆସବାବପତ୍ର ନଷ୍ଟ ହୋଇଥିବା ସୂଚନା ମିଳିଛି ।
ଏହା ବି ପଢନ୍ତୁ- ୧୦୦ କୋଟିର ସାଇବର ଠକେଇ, ବ୍ୟାଙ୍କ କର୍ମଚାରୀ ସାମିଲ
ଏ ନେଇ ଅଗ୍ନିଶମ ଅଧିକାରୀ ଦେବେନ୍ଦ୍ର କୁମାର ସ୍ବାଇଁ କହିଛନ୍ତି, " ବାଦାମ ବାଡ଼ି ଛକ ଭର୍ତ୍ତିଆ ଟାୱାରରେ ଅଗ୍ନିକାଣ୍ଡ ଘଟିଥିବା ନେଇ ଆମ ଅଧିକାରୀ ମାନେ ଖବର ପାଇଥିଲେ । ସୂଚନା ପାଇବା ମାତ୍ରେ ଆମେ ଘଟଣାସ୍ଥଳରେ ପହଞ୍ଚିଥିଲୁ । ମୋଟ ୩ଟି ଦମକଳ ଗାଡ଼ି ସହ ୨୦ରୁ ଅଧିକ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲୁ ।"
ଇଟିଭି ଭାରତ, କଟକ
