କଟକ: ଧରାପୃଷ୍ଠରୁ ବିଦାୟ ନେଉଛନ୍ତି ମା ଜଗତ ଜନନୀ ଦୁର୍ଗତି ନାଶିନୀ ଦୁର୍ଗା । ଐତିହ୍ୟର ସହର କଟକବାସୀ ମା’ଙ୍କୁ ଦେଉଛନ୍ତି ଭାବ ବିହ୍ବଳ ମେଲାଣି । ଧୂମଧାମରେ ମାଙ୍କୁ ବିଦାୟ ଦେଉଛନ୍ତି କଟକିଆ । ବାଜୁଛି ବାଜାବାଣ । ଜଳୁଛି ରଙ୍ଗ ବେରଙ୍ଗର ଆଲୋକ ମାଳା । ଘଣ୍ଟ, ଶଙ୍ଖ ନୃତ୍ୟ ଗୀତରେ ମା ବିଦାୟ ନେଉଛନ୍ତି ଧରାପୃଷ୍ଠରୁ । ଜାତି, ଧର୍ମ ଓ ବର୍ଣ୍ଣ ନିର୍ବିଶେଷରେ ସମସ୍ତ ସମ୍ପ୍ରଦାୟର ଲୋକେ ଏହି ଶୋଭାଯାତ୍ରାରେ ସାମିଲ ହୋଇଛନ୍ତି । ଖାଲି ଏତିକି ନୁହେଁ ବିଭିନ୍ନ ରାଜନୈତିକ ଦଳର ନେତା ମାନେ ମଧ୍ୟ ଉତ୍ସବରେ ସାମିଲ ହୋଇଛନ୍ତି ।
ଭଡିଓ ସୌଜନ୍ୟ: ସମ୍ବାଦଦାତା, କଟକ
ତେବେ ବଦଳିଛି ସମୟ, ବଦଳିଛି ମାଙ୍କ ବିଦାୟ ଉତ୍ସବ । ଆଗ କାଳରେ ମା’ଙ୍କୁ କାନ୍ଧରେ ଭକ୍ତମାନେ ବୋହିନେଉଥିଲେ । ଏହାସହ ଆଜିର ଡିଜେ ବାଜା ବଦଳରେ ରାଜ୍ୟର ପାରମ୍ପରିକ ବାଜା ବାଦ୍ୟ ବାଜୁଥିଲା । ଯାହା ପରିବେଶ ପାଇଁ ମଧ୍ୟ ଅନୁକୂଳ ଥିଲା । ଯାହାକୁ ଏବେବି ମନେ ପକାଇଛନ୍ତି ବହୁ ରାଜନେତା ।
କଟକରୁ ନାରାୟଣ ସାହୁ, ଇଟିଭି ଭାରତ
