କଟକ: ଦିନକୁ ଦିନ ବଢିବାରେ ଲାଗିଛି ତାଲାବନ୍ଦ ନିୟମ ଉଲଙ୍ଘନକାରୀଙ୍କ ସଂଖ୍ୟା ଓ ସାଥୀରେ ଅପରାଧର ମାତ୍ରା । ଏମିତିରେ ଲକଡାଉନ ଲାଗୁ ହେବା ପରଠାରୁ ଆଜି ପର୍ଯ୍ୟନ୍ତ ରାଜ୍ୟର ବିଭିନ୍ନ ଥାନାରେ ମୋଟ 7012ଟି ମାମଲା ରୁଜୁ ହୋଇଥିବା ଜଣା ପଡିଛି । ଏଥିମଧ୍ୟରୁ ଗତ 24 ଘଣ୍ଟା ମଧ୍ୟରେ କେବଳ 18ଟି ମାମଲା ରୁଜୁ ହୋଇଥିବା ଜଣା ପଡିଛି ।
ଗୋଟିଏ ଦିନ ମଧ୍ୟରେ ରୁଜୁ ହୋଇଥିବା 18ଟି ମାମଲା ମଧ୍ୟରୁ 15ଟି କେବଳ ତାଲାବନ୍ଦ ନିୟମ ଉଲଙ୍ଘନ ପାଇଁ ରୁଜୁ ହୋଇଥିବା ବେଳେ ଅନ୍ୟ 3ଟି ମାମଲା ଅନ୍ୟାନ୍ୟ କାରଣରୁ ରୁଜୁ ହୋଇଥିବା ଜଣା ପଡିଛି । ସେପଟେ ଗତ ମାର୍ଚ୍ଚ 24 ତାରିଖରୁ ଆଜି ପର୍ଯ୍ୟନ୍ତ ରାଜ୍ୟର ବିଭିନ୍ନ ଥାନାରେ ମୋଟ 7012ଟି ମାମଲା ରୁଜୁ ହୋଇଥିବା ଜଣା ପଡିଛି । ଏନେଇ ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
